தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
இந்தியத் திரையுலகில் இந்த ஆண்டு அதிகம் எதிர்பார்க்கப்படும் படங்கள் இரண்டே இரண்டுதான். ஒன்று 'பாகுபலி 2', மற்றொன்று '2.0'. இந்த இரண்டு படங்களும் பல கோடி ரூபாய் செலவில் எடுக்கப்பட்டு வந்தாலும் அதைவிட பல மடங்கு ரூபாயை லாபமாகப் பெற்றுவிடும் என்று திரையுலக வட்டாரங்களில் தெரிவிக்கிறார்கள். '2.0' படத்தின் வியாபாரப் பேச்சு வார்த்தைகள் இன்னும் சூடுபிடிக்கவில்லை. ஆனால், 'பாகுபலி 2' படத்தின் பல வியாபாரங்கள் ஏறக்குறைய முடிந்துவிட்டன. முழுவிவரங்கள் இன்னும் முழுமையாக வெளியாகவில்லை.
'பாகுபலி 2' படத்தின் இசை வெளியீடு வரும் 26ம் தேதி ஐதராபாத்தில் பிரம்மாண்டமாக நடைபெற உள்ளது. அந்த விழாவின் இசை வெளியீட்டு உரிமையை தொலைக்காட்சிகளுக்கு விற்ற வகையில் சுமார் 1 கோடி வரை தயாரிப்பு நிறுவனத்திற்குக் கிடைக்கும் என்கிறார்கள். நிகழ்ச்சி ஒளிபரப்பாக உள்ள செய்தித் தொலைக்காட்சிகளில் தயாரிப்பு நிறுவனத்தினர் இலவசமாக விளம்பரம் செய்து கொள்ள தொலைக்காட்சி நிறுவனங்கள் அனுமதித்துள்ளதாம்.
ஏற்கெனவே, தமிழ், தெலுங்கு, மலையாளம், ஹிந்தி ஆகிய மொழிகளின் தொலைக்காட்சி உரிமைகளை விற்ற விதத்தில் சுமார் 100 கோடி வரை சம்பாதித்துவிட்டார்களாம். இன்னும் பல வியாபார உரிமைகளை விற்றதையும் சேர்த்தால் 'பாகுபலி' படத்தின் முதல் பாகத்தை விட இரு மடங்கு அல்லது அதற்கு மேலும் 'பாகுபலி 2' சம்பாதித்துக் கொடுக்கும் என்கிறார்கள்.
'பாகுபலி 2' படம் ஏப்ரல் மாதம் வெளியாகி பின்னர் ஓடி முடித்து வசூலான தொகையை வைத்து அடுத்து வெளிவர உள்ள '2.0' படத்துடன் ஒப்பிட ஆரம்பிப்பார்கள். 2017ம் ஆண்டு முடிவில் இந்த ஆண்டில் அதிக வசூலை அள்ளியது 'பாகுபலி 2' படமா அல்லது '2.0' படமா என்று பட்டிமன்றம் நடந்தாலும் ஆச்சரியப்படுவதற்கில்லை.