திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு | விஜய் சேதுபதிக்கு வில்லனாகும் நாசர் | கிரிக்கெட் பின்னணி கதையில் விஜய் மகன் | சிஎஸ்கே வீரருடன் சீரியல் நடிகைக்கு காதலா? - நடிகையே சொன்ன உண்மை | பணத்திற்காக அட்ஜெஸ்ட்மெண்ட்? - ஆர்த்திகா அளித்த அதிரடி பேட்டி | வில்லியாக என்ட்ரி கொடுக்கும் ஆர்த்தி சுபாஷ் | பிளாஷ்பேக் : முதல் அரசியல் நையாண்டி படம் | சீரியல் ஜோடி திருமணம் |
ஐ.நா. சபையில் மகளில் தினத்தன்று ரஜினிகாந்தின் மகளும், தனுஷின் மனைவியுமான ஐஸ்வர்யா தனுஷின் நடன நிகழ்ச்சி நடைபெற்றது. அந்த நடன நிகழ்ச்சியின் வீடியோ யு டியுபில் சிலரால் பதிவேற்றம் செய்யப்பட்டது. அந்த வீடியோவில் ஐஸ்வர்யா தனுஷின் நடன நிகழ்ச்சியைப் பார்த்த பலரும் சமூக வலைத்தளங்களில் கடுமையாக விமர்சிக்க ஆரம்பித்தார்கள்.
பிரபல நடனக் கலைஞரான அனிதா ரத்னம், “ஐ.நா. சபையில் பரதநாட்டியத்தின் பரிதாபநிலை” என விமர்சித்திருந்தார். அவருக்கு ஆதரவாக பரதம் தெரிந்த பலரும் அவரவர் கருத்துக்களை பதிவிட ஆரம்பித்தனர். எவ்வளவோ சிறந்த பரதக் கலைஞர்கள் இந்தியாவில் இருக்க, பிரபலமான விஐபி குடும்பத்தின் மகள் என்ற ஒரே காரணத்தால் ஐ.நா. சபையில் ஐஸ்வர்யா தனுஷின் நடனத்தை நடத்தியிருக்க வேண்டுமா என சாதாரண மக்களும் கேள்வி கேட்க ஆரம்பித்தார்கள்.
கடந்த இரண்டு நாட்களாக சமூக வலைத்தளங்களில் இந்த விஷயம்தான் டிரென்டிங்காக இருக்கிறது. ஃபேஸ்புக், டுவிட்டர், யு டியூப் ஆகியவற்றில் ஐஸ்வர்யா தனுஷின் நடன நிகழ்ச்சியை விமர்சித்து பல்வேறு கருத்துக்களும், மீம்ஸ்களும், வீடியோ மீம்ஸ்களும் வந்த வண்ணம் இருக்கின்றன. இந்தியாவில் உள்ள பல்வேறு ஊடகங்களும் இது பற்றி செய்தி வெளியிட்டு இந்த விவகாரத்தை மேலும் விஸ்வரூபம் எடுக்கச் செய்துவிட்டார்கள்.
இதனிடையே, ஐஸ்வர்யா தனுஷின் ஐ.நா. சபை நடன நிகழ்ச்சியை யு டியூபில் யாரெல்லாம் பதிவேற்றியிருக்கிறார்களோ, அவர்களை அந்த வீடியோக்களை உடனே நீக்குமாறு சொல்லப்பட்டு வருவதாகத் தகவல்கள் தெரிவிக்கின்றன. ஐ.நா. சபையில் அந்த நிகழ்ச்சியில் கலந்து கொண்டவர்கள் சிலர் மொபைல் போனில் எடுத்த வீடியோக்களைத்தான் யு டியூபில் பதிவேற்றியிருந்தார்கள்.
அந்த வீடியோக்கள் மற்றும் அந்த நடனத்தை கிண்டலடித்து போடப்பட்டுள்ள வீடியோ மீம்ஸ்கள் ஆகியவற்றையும் நீக்கும் பணிகள் நடந்து வருவதாகத் தெரிகிறது. அதே சமயம், ஐஸ்வர்யா தனுஷை பலர் விமர்சித்து வரும் நிலையில் அவருடைய நட்பு வட்டாரத்தைச் சேர்ந்த சில பிரபலங்கள் அவருக்கு ஆதரவாகவும் தங்களது கருத்துக்களைப் பதிவு செய்து வருகிறார்கள்.