Dinamalar

2.0 படப்பிடிப்பு விரைவில் நிறைவு

'சிவாஜி, எந்திரன்' ஆகிய படங்களுக்குப் பிறகு ஷங்கர் இயக்கத்தில் ரஜினிகாந்த் மீண்டும் நடித்து வரும் '2.0' படத்தின் படப்பிடிப்பு விரைவில் நிறைவடைய உள்ளது. இப்படத்தின் படப்பிடிப்பு 2015ம் ஆண்டு டிசம்பர் மாதம் ஆரம்பமானது. ரஜினிகாந்த் ஜோடியாக எமி ஜாக்சன், மற்றொரு நாயகனாக ஹிந்தி நடிகர் அக்ஷய் குமார் ஆகியோர் நடிக்கும் இப்படத்தின் பட்ஜெட் சுமார் 350 கோடி என்று சொல்லி வருகிறார்கள்.

'2.0' படத்தின் படப்பிடிப்பு ஆரம்பமாவதற்கு முன்பே ரஜினிகாந்த் நடித்த மற்றொரு படமான 'கபாலி' படத்தின் படப்பிடிப்பு நடைபெற்று வந்தது. இரண்டு படங்களிலும் ரஜினிகாந்த் மாறி மாறி நடித்து வந்தார். 'கபாலி' படத்தின் படப்பிடிப்பை முடித்துக் கொடுத்ததும் ஓய்விற்காக அமெரிக்கா சென்றார். அதனால், '2.0' படத்தின் படப்பிடிப்பு சில மாதங்கள் நிறுத்தி வைக்கப்பட்டது. அதன்பின் மீண்டும் ஆரம்பமான படப்பிடிப்பு தற்போது இறுதிக் கட்டத்தை எட்டியுள்ளது.

இன்னும் ஒரு பாடல் மற்றும் சில காட்சிகள் மட்டுமே படமாக்கப்பட வேண்டியுள்ளதாக படத்தின் இயக்குனர் ஷங்கர் நேற்று அறிவித்துள்ளார். ஒரு முக்கியக் காட்சி படமானவுடன் படக்குழுவினருடன் எடுத்த புகைப்படத்தை வெளியிட்டு படப்பிடிப்பு நிலவரம் பற்றி அவர் அறிவித்துள்ளார். இப்படத்தின் நாயகியான எமி ஜாக்சன் ஏற்கெனவே அவருடைய பகுதி படப்பிடிப்பை முடித்துவிட்டார்.

'2.0' படம் இந்த வருட தீபாவளிக்கு வெளிவர உள்ளது.

• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா

• 
  'அமரன்' நிஜ கதாநாயகனுக்கு அஞ்சலி செலுத்திய இயக்குனர்
• 
  தன் படங்களின் அப்டேட் கொடுத்த ஜிவி பிரகாஷ்குமார்
• 
  நடிகை தமன்னாவுக்கு மும்பை சைபர் கிரைம் சம்மன்
• 
  ரீ-ரிலீஸ் படங்களால் யாருக்கு லாபம்?
• 
  விஜய் கையில் காயம் : ரசிகர்கள் வருத்தம்