‛கில்லி' ரீ-ரிலீஸ் : த்ரிஷா நெகிழ்ச்சி | சந்தானத்தின் இங்க நான் தான் கிங்கு படம் மே 10 ல் ரிலீஸ் | பைக் டாக்சி ஓட்டுனராக நடிக்கும் நக்ஷா சரண் | எழுத்தாளராக நடிக்கும் வெற்றி | ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி | அரசியல்வாதிகள் நல்லது செய்தால் நடிகர்கள் அரசியலுக்கு வரமாட்டார்கள் : விஷால் | பிளாஷ்பேக்: நடிகையை திருமணம் செய்த முதல் இயக்குனர் | அன்பே வா சீரியல் நடிகருக்கு திருமணம் | எதிர்நீச்சல் நடிகையின் ஜாலி டூர் கிளிக்ஸ் | நடன பள்ளி தொடங்கிய காயத்ரி - யுவராஜ் |
அஜித்தின் 57வது படமான 'விவேகம்' படத்தின் படப்பிடிப்பு தொடர்ந்து நடைபெற்று வருகிறது. முதலில் கோடை விடுமுறையில் படத்தை வெளியிட திட்டமிட்டிருந்தார்கள். ஆனால், படப்பிடிப்பு இன்னும் பாக்கி உள்ளதால் படத்தை ஆகஸ்ட் மாதத்திற்குத் தள்ளி வைத்துவிட்டார்கள் என்று செய்திகள் வெளியாகின. இதுவரை எவ்வளவு காட்சிகள் படமாக்கப்பட்டுள்ளன என்பது குறித்து சரியான தகவல் இல்லை. வெளிநாட்டிலேயே படத்தை எடுத்து வருவதால் படத்தின் பட்ஜெட் அதிகரித்துவிட்டதாகவும், அதனால்தான் காலதாமதம் ஏற்படுகிறது என்றும் செய்திகள் உலா வருகின்றன. அடுத்தக் கட்டப் படப்பிடிப்புகள் அனைத்தையும் இங்கேயே படமாக்க உள்ளார்கள் என்றும் சொல்லி வருகிறார்கள்.
இதனிடையே, அஜித்தின் அடுத்த படத்தை இயக்கப் போவது யார் என்பது குறித்து கடந்த சில நாட்களாக ஒரு பரபரப்பு நிலவி வருகிறது. அந்தப் போட்டி சிவாவுக்கும், விஷ்ணுவுக்கும் இடையேயான போட்டியாகவே உள்ளது. அஜித் நடித்த 'வீரம், வேதாளம்' படங்களை இயக்கியவரும், தற்போது 'விவேகம்' படத்தை இயக்கி வரும் சிவா, அஜித்தின் அடுத்த படத்தை இயக்க உள்ளார் என்றும் ஒரு தகவல் உள்ளது.
ஆனால், 'பில்லா, ஆரம்பம்' படங்களை இயக்கிய விஷ்ணுவர்தன் ஏற்கெனவே அஜித்தின் அடுத்த பட இயக்குனராக ஒப்பந்தம் செய்யப்பட்டுவிட்டார். ஒரு சரித்திரக் கதையை எழுத்தாளர் பாலகுமாரனுடன் இணைந்து மெருகேற்றி வருகிறார் என்றும் மற்றொரு தகவல் உள்ளது.
அஜித்தின் அடுத்த பட அறிவிப்பு வெளியாக இன்னும் கொஞ்ச நாட்கள் ஆகும். அதில் வெற்றி பெறப் போவது சிவாவா, விஷ்ணுவா என்பதுதான் கேள்வி ?.