டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
சென்னை பெண்ணாக இருந்தாலும், தமிழை விட, தெலுங்கில் அதிகமான படங்களில் நடித்து வருகிறார் ரெஜினா. நீண்ட இடைவெளிக்கு பின், தமிழில் இவர் நடித்து வெளி வர உள்ளது, மாநகரம் படம்; இதுகுறித்த தன் அனுபவங்களை, நம்முடன் பகிர்ந்து கொள்கிறார் ரெஜினா.
மாநகரம் படம் பற்றி சொல்லுங்க ?
இந்த படத்தை, புதுமுக இயக்குனர், லோகேஷ் கனகராஜ் இயக்கி உள்ளார். சொந்த ஊரை விட்டு, வேலை தேடி சென்னை வரும், நான்கு பேரின் கதை இது. அவர்கள் சந்திக்கும் பிரச்னைகள் தான் மையக் கரு. சென்னையின் பெருமையை சொல்லும் படமாக இது இருக்கும். ஒரு நாளில் நடக்கும் சம்பவம் தான் படத்தின் கதை. முதல் பாதி, பகலிலும், இரண்டாம் பாதி இரவிலும் நடப்பது போல், கதைக் களம் அமைக்கப்பட்டுள்ளது.
தமிழில் அதிகமாக நடிப்பதில்லையே ஏன்?
எனக்கே, அதற்கான காரணம் தெரியவில்லை. ஆனால், திட்டமிட்டு செய்யும் விஷயமில்லை இது. யதார்த்தமாக நடந்தது தான். எனக்கு பிடித்த கதைகளில் மட்டுமே நடிக்க சம்மதிக்கிறேன். அதனால் கூட, இந்த பிரச்னை ஏற்பட்டு இருக்கலாம். இப்போது தமிழில், நான்கு படங்களில் நடிக்கிறேன்; இனிமேல் இதுபோன்ற கேள்வி வராது என நினைக்கிறேன்.
சென்னை பொண்ணு நீங்க; பல ஊர்களுக்கும் சென்று வரும் நீங்க, சென்னையை, 'மிஸ்' பண்றீங்களா?
கண்டிப்பாக; எனக்கு சென்னை ரொம்ப பிடிக்கும். வேலை விஷயமாக, ஹைதராபாத், பெங்களூரு அல்லது வெளிநாடுகள் எங்கே போனாலும், திரும்பியதும் சென்னையில் உள்ள வீட்டுக்கு வந்திடுவேன். அம்மா கையால், ரசம், 'பெப்பர் சிக்கன்' சாப்பிட ரொம்ப பிடிக்கும்.
எந்த மொழி படங்களில் உங்களுக்கு போட்டி அதிகம்?
இப்போதெல்லாம் அப்படி இல்லை; யார் உண்மையாகவே, சம்பந்தபட்ட ரோலுக்கு பொருத்தமா இருப்பாங்களோ, அவங்களுக்கு தான் சான்ஸ் கிடைக்குது; மற்றபடி, முகம் நல்லா இருக்குது என்றோ, உடல் அமைப்பு நல்லா இருக்கிறது என்றோ பார்ப்பதில்லை; அந்த கேரக்டர் தான் நடிகர்களை தேர்வு செய்கிறது என்று சொல்வேன். மற்றபடி போட்டி எல்லாம் இல்லை.வெற்றி படங்களில் யார் அதிகமாக நடிக்கின்றனரோ, அவர்கள் சிறிது காலம், 'பீல்டில்' இருப்பர். அதற்கு பின், வேறு ஒரு நடிகை வருவார். இப்படி தான், தற்போதைய திரையுலகம் இருக்கிறது.
தோழியருடன் அதிகமாக வெளிநாடுகளுக்கு போகிறீர்களாமே?
எனக்கு சினிமாவில் நிறைய தோழியர் உள்ளனர். கடந்தாண்டு, என் தோழியருடன் வெளிநாட்டுக்கு சென்றேன். அதற்கு பின், நேரம் கிடைக்கவில்லை.
தெலுங்கில் மட்டும் அதிகமாக கவர்ச்சி காட்டுகிறீர்களாமே?
ஒரு சில படங்களை தவிர, மற்ற எல்லா படங்களிலுமே குடும்ப பாங்கான வேடங்களில் தான் நடித்து வருகிறேன். நான் பயன்படுத்தும் உடைகளும் அப்படித் தான் உள்ளன. மற்றபடி, தெலுங்கில் கவர்ச்சியாக நடிக்க வேண்டும், தமிழில் இழுத்து போர்த்திக் கொண்டு நடிக்க வேண்டும் என்ற எண்ணம் எல்லாம் இல்லை.
உங்களுக்கு பிடித்த நடிகை யார்?
நிவேதா தாமஸ் நடிப்பு ரொம்ப நல்லா இருக்கு; ரொம்ப சிம்பிளா நடிக்கிறாங்க.
பாவனா விஷயத்தில் உங்க கருத்து?