Dinamalar

கைவசம் 10 படங்கள்.... ஜிவி பிரகாஷின் கால்ஷீட் புல்

இசைப்புயல் ஏ.ஆர்.ரஹ்மானின் மருமகன் ஜிவி பிரகாஷ் குமார். வசந்தபாலன் இயக்கிய ‛வெயில்' படத்தின் மூலம் இசையமைப்பாளராக அறிமுகமான இவர் அதன்பின்னர் பல முன்னணி நடிகர்களின் படங்களுக்கு இசையமைத்து குறுகிய காலத்திலேயே நம்பர்-1 இசையமைப்பாளராக உயர்ந்தார். இசைப்பயணம் நன்றாக சென்று கொண்டிருக்கும்போதே திடீரென நடிகராக உருவெடுத்தார். பென்சில் படத்தின் மூலம் அவர் நடிகராக மாறினார். ஆனால் அதன்பிறகு அவர் நடித்த டார்லிங் படம் முதலில் ரிலீஸானது. அப்படம் ஹிட் படமாக அமைய அதன்பின் த்ரிஷா இல்லேன்னா நயன்தாரா, எனக்கு இன்னொரு பெயர் இருக்கு, கடவுள் இருக்கான் குமாரு படங்களில் நடித்தார்.

இதில் கடைசியாக வெளியான இரண்டு படங்கள் தோல்வியை தழுவினாலும், அவருக்கு என்று மினிமம் கியாரண்டி இருப்பதால் குறுகிய பட்ஜெட்டில் படம் எடுக்க தயாரிப்பாளர்கள் முண்டியடிக்கின்றனர். இதனால் அவரது கால்ஷீட் புல்லாகியுள்ளது. தற்போது ‛புருஸ்லீ' படம் ரிலீஸ்க்கு தயாராக இருக்கிறது. இதுதவிர ‛அடங்காதவன்', ‛ஐங்கரன்', ராஜீவ் மேனன் படம், பாலாவின் ‛நாச்சியார்' படம், ‛அடங்காதவன்' இயக்குநருக்கு மற்றுமொரு படம், வெற்றிமாறன் படம்... என கைவசம் 10 படங்கள் வைத்திருக்கிறார். இதில் சில படங்களுக்கு அவரே இசையமைக்கவும் உள்ளார். ஆக நடிப்பு, இசை என பிஸியாக வலம் வருகிறார். இந்தாண்டு முழுக்க அவரது கால்ஷீட் டைரி புல்லாகிவிட்டது. இந்த படங்களை எல்லாம் முடித்த பிறகு அடுத்த வருடம் தான் புதிய படங்களை கமிட் செய்ய உள்ளார் ஜிவி பிரகாஷ்.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  விஜய்யைக் காப்பியடிக்கும் விஷால் : ரசிகர்கள் கிண்டல்
• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்