Dinamalar

ஏஜென்ட் சிவா என்று டைட்டிலுக்கு எதிர்ப்பு

அகிரா ஹிந்திப்படத்தை இயக்கிய ஏ.ஆர்.முருகதாஸ் அப்படத்தின் தோல்வியை மறந்துவிட்டு, மகேஷ் பாபு நடிக்கும் தெலுங்குப் படத்தை இயக்கி வருகிறார்.

தமிழ், தெலுங்கு என இரண்டு மொழிகளில் ஒரே நேரத்தில் பிரம்மாண்டமாக உருவாகி வரும் இப்படத்தின் ஷூட்டிங் ஐதராபாத்தில் விறுவிறுப்பாக நடந்து வருகிறது. இப்படத்தில் மகேஷ் பாபுவுக்கு ஜோடியாக ரகுல் ப்ரீத் சிங் நடித்து வருகிறார். இந்தப் படத்தில் எஸ்.ஜே. சூர்யா வில்லனாக நடிக்கிறார். சந்தோஷ் சிவன் ஒளிப்பதிவு செய்து வரும் இப்படத்திற்கு ஹாரிஸ் ஜெயராஜ் இசை அமைக்கிறார்.

மகேஷ் பாபுவுக்கு தமிழகத்திலும் நிறைய ரசிகர்கள் இருப்பதால் மாநில ரசிகர்களுக்கும் பரிச்சயமான முகங்களை நடிக்க வைத்திருக்கிறார் முருகதாஸ். இந்தப்படத்துக்கு இதுவரை தலைப்பு வைக்கவில்லை. தமிழ் தெலுங்கு இரண்டு மொழிகளுக்கும் பொதுவான டைட்டில் வைக்க வேண்டும் என்ற திட்டத்தில் உள்ளனர்.

இதற்கிடையில் ஏஜென்ட் சிவா என்று டைட்டில் வைக்க இருப்பதாக தகவல் வெளியானது. மகேஷ்பாபுவின் ரசிகர்கள் ஏஜென்ட் சிவா என்று டைட்டிலுக்கு எதிர்ப்பு தெரிவித்து சமூகவலைத்தளங்களில் கருத்து தெரிவித்துள்ளனர். எனவே இப்போதைக்கு டைட்டில் வைக்காமல் 'மகேஷ் 23' என்று தற்காலிக தலைப்புடன் படமாகி வருகிறது.

இப்படத்தை, ரம்ஜான் பண்டிகையை முன்னிட்டு வருகிற ஜூன் மாதம் 23ஆம் தேதி ரிலீஸ் செய்யவிருக்கின்றனர். அதற்கு முன்னதாக டைட்டிலுன் கூடிய ஃபர்ஸ்ட் லுக்கை தெலுங்கு வருட பிறப்பான உகாதி பண்டிகையை முன்னிட்டு மார்ச் 29 ஆம் தேதி வெளியிடவும் முடிவு செய்திருக்கிறார்கள்.

• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...
• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்

• 
  ஆவேசம் படத்துக்கு சமந்தா பாராட்டு
• 
  சிறிய படங்களை நசுக்குகிறதா ரீ-ரிலீஸ் படங்கள்?
• 
  சைக்கிளில் சென்று ஓட்டு போட்டது ஏன் : விஷால்
• 
  இயக்குனர் 'பசி' துரை மறைவு
• 
  ரஜினி 171 தலைப்பு 'கூலி' - 'ரெட்ரோ' லுக்கில் அசத்தும் ரஜினிகாந்த்