இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! | 'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு |
புதுமுக இயக்குனர் எம்.ஏ.பாலா இயக்கும் காதல் நகரம் படத்தில் நடிக்க ஒப்பந்தமாகியிருக்கிறார் ஆஸ்திரேலிய மாடல் அழகி சபிஜே. அடுத்து ஏனிந்த மயக்கம் படத்தை இயக்கிய சக்தி வசந்த் பிரபுவின் அடுத்த படத்திலும் நடிக்க இருக்கிறார். சினிமாவில் நடிக்க வந்தது பற்றி அவர் கூறியதாவது:
நான் தமிழ்ப் பெண்தான். எங்களுக்கு பூர்வீகம் இலங்கை. அங்கிருந்து அப்பா அம்மா எல்லாரும் நியூசிலாந்து போய் தங்கிவிட்டனர். நான் அங்குதான் பிறந்தேன். படித்தது ஆஸ்திரேலியாவில். பி.காம் முடித்திருக்கிறேன். ஒருகட்டத்தில் எனக்கு மாடலிங் மீது ஆர்வம் வந்தது. நியூசிலாந்து, ஆஸ்திரேலியா என்று இரு நாடுகளிலும் பல மியூசிக் வீடியோக்களில் தோன்றியிருக்கிறேன். ஆஸ்திரேலிய அரசு விளம்பரம் உள்பட பல விளம்பரங்களிலும் நடித்தேன்.
எனக்கு பங்கரா நடனம் தெரியும். இந்த பங்கரா என்கிற பஞ்சாபி நடனத்தை மூன்றாண்டுகள் பயிற்சி பெற்றுக் கற்றுக் கொண்டிருக்கிறேன். அங்குள்ள தார் பஞ்சாபன் என்கிற பஞ்சாபி நடனக் குழுவில் நிறைய மேடை நிகழ்ச்சிகளில் கலந்து கொண்டு ஆடியிருக்கிறேன். பல்வேறு ப்ரமோஷன் ஷோக்களிலும் மாடலாகக் கலந்து கொண்டிருக்கிறேன். இப்படி இருந்த நான் மிஸ் யுனிவர்ஸ் அழகிப்போட்டி வரை சென்று இருக்கிறேன்.
எனக்கு சினிமா மீது எப்போதும் ஆர்வம் உண்டு .அங்கு தமிழ்ப் படங்கள் நிறைய பார்ப்பேன். வீட்டில் பெற்றோர் கூட அதிகம் தமிழ் பேசாவிட்டாலும் நான் தமிழ்ப் படங்கள் பார்த்து தமிழைப் புரிந்து கொள்வேன். என் புரொஃபைல் பார்த்து எனக்கு இங்கிருந்து மாடலிங்கிற்கு அழைப்பு வந்தது. இங்கு வந்து ஜேடி ஜெரியின் விளம்பரத்தில் நடித்தேன் .
றெக்க படப்பிடிப்புக்கு ஒரு நாள் போனேன். நடிகர் விஜய் சேதுபதியுடன் செல்பி எடுத்துக் கொண்டேன். அதைப் பார்த்த அந்தப் படத்தின் கேமராமேன் தினேஷ், தான் பணியாற்றும் அடுத்த படத்துக்கு என்னைப் பரிந்துரை செய்து இருக்கிறார். அப்படி வந்த வாய்ப்புதான் நான் நடிக்கும் புதிய படம்., இயக்குநர் எம்.ஏ.பாலாவின் காதல் நகரம் படம். மோசஸ் இயக்கத்தில் ஸ்ட்ரீட் பைட்டர் என்கிற தமிழ் டெலிபிலிமிலும் நடித்துள்ளேன். படப்பிடிப்பு பார்க்க வந்த எனக்கு பட வாய்ப்பே கிடைத்து விட்டது என்றார் சபிஜே.