Dinamalar

‛வேலைக்காரன் - ரஜினி பட டைட்டிலில் சிவகார்த்திகேயன்

மோகன்ராஜா இயக்கத்தில் சிவகார்த்திகேயன் நாயகனாக நடித்து வரும் புதிய படத்தின் தலைப்பு இன்று சிவகார்த்திகேயனின் பிறந்த நாளை முன்னிட்டு நண்பகல் 12.30 மணிக்கு அறிவிக்கப்படும் என அறிவிப்பு வெளியானது. அதன்படி படத்திற்கு ‛வேலைக்காரன் என்று பெயர் வைத்திருக்கிறார்கள். இது 1987-ம் ஆண்டு எஸ்பி முத்துராமன் இயக்கத்தில் ரஜினி, அமலா நடிப்பில் வெளியான வேலைக்காரன் படத்தின் தலைப்பாகும்.

சிவகார்த்திகேயன் ஜோடியாக நயன்தாரா நடிக்கிறார். இன்னொரு முக்கியமான ரோலில் மலையாள நடிகர் பகத் பாசில் நடிக்கிறார். இவர்களுடன் பிரகாஷ்ராஜ், சினேகா, சதீஷ், ஆர்.ஜே.பாலாஜி, ரோபோ சங்கர், தம்பி ராமையா மற்றும் பலர் இந்தப் படத்தில் நடிக்கிறார்கள். அனிருத் இப்படத்திற்கு இசையமைக்கிறார். தனி ஒருவன் படத்தின் வெற்றிக்குப் பிறகு மோகன்ராஜா இயக்கி வரும் இந்தப் படத்தை ஆகஸ்ட் 24ம் தேதி வினாயகர் சதுர்த்தியன்று வெளியிடுவதாக அறிவித்துள்ளார்கள்.

சிவகார்த்திகேயன், தனது பிறந்தநாளை படப்பிடிப்பு தளத்திலேயே கொண்டாடினார். வேலைக்காரன் பட தலைப்போடு பெரிய பேனர், அலங்கரீக்கப்பட்ட தோரணங்கள், கேக்கிலும் சிவகார்த்திகேயனின் பெயர் மற்றும் வேலைக்காரன் பட தலைப்பு என பிறந்தநாளை விமரிசையாக கொண்டாடினார்.

கடந்த வருடமும் சிவகார்த்திகேயனின் பிறந்த நாளன்று தான் ரெமோ படத்தின் தலைப்பை அறிவித்தனர் என்பது குறிப்பிடத்தக்கது.

• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா

• 
  'ஆதிசக்தி' : புதிய பயணத்தை துவங்கிய சம்யுக்தா
• 
  ரீ-ரிலீஸ் ஆகும் ‛மங்காத்தா'
• 
  மகாபாரத கதையை 2 பாகங்களாக இயக்கும் லிங்குசாமி
• 
  இன்ஸ்டா கணக்கு நீக்கம் : யுவன் விளக்கம்
• 
  விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் ...