Dinamalar

கார்பரேட் நிறுவனத்தை எதிர்த்து போராடும் கவண்

அனேகன் படத்திற்கு பிறகு கே.வி.ஆனந்த் இயக்கி உள்ள படம் கவண். ஒய் வடிப மரக் குச்சியில் ரப்பர் டேப்பை கட்டி அதில் கல் வைத்து வீசும் கருவிக்கு கவண் என்ற பெயர். கிராமப்புறங்களில் கவட்டை என்பார்கள். விஜய் சேதுபதி, மடோனா செபாஸ்டின், டி.ராஜேந்தர், பாண்டியராஜன், விக்ராந்த் உள்பட பலர் நடித்திருக்கிறார்கள். ஹிப் ஆப் தமிழா ஆதி இசை அமைத்துள்ளார். ஏ.ஜி.எஸ் எண்டர்டெயின்மெண்ட் நிறுவனம் தயாரித்துள்ளது. படப்பிடிப்புகள் முடிந்து மற்ற பணிகள் நடந்து வருகிறது.

தயாரிப்பு தரப்பிலிருந்து கசிந்த படத்தின் கதை இது... பிரபல பைபிள் கதை ஒன்று தான் படத்தின் மைய கரு. டேவிட் என்ற சின்னஞ் சிறுவன் கோலியாத் என்ற பெரிய அரக்கனை கவண் கொண்டு வீழ்த்துவான். கோலியாத் அளவிற்கு டேவிட்டுக்கு பலம் கிடையாது. ஆனால் தன் புத்திசாலி தனத்தால் அவனை வீழ்த்துவான். அதுபோல இந்தப் படத்தில் விஜய்சேதுபதி என்கிற சாதராண இளைஞன் ஒரு பெரிய கார்பரேட் கம்பெனியை எதிர்த்து போராடி ஜெயிக்கிற கதை.

ரத்தம் தெறிக்கும் சண்டை பாய்ந்து அடிக்கி சண்டை எதுவும் கிடையாது. ஆனால் கார்பரேட் கம்பெனியின் சூழ்ச்சிகளை சூழ்ச்சியால் வெல்கிற கதை. வெளிச்சுவர் முழுவதும் கண்ணாடி பதிக்கப்பட்ட கார்பரேட் கம்பெனிகளின் இன்னொரு முகத்தை காட்டுகிற படமாக உருவாகி உள்ளது. இந்தப்படம் திட்டமிட்டு 3 மாதத்திற்குள் முடிக்கப்பட்டுள்ளது. அல்ட்ரா மார்டன் இளைஞனாக விஜய் சேதுபதி நடித்திருக்கிறார். அவருடன் அடிக்கடி சண்டை போடும் காதலியாக மடோனா நடித்திருக்கிறார். விரைவில் வெளிவருகிறது.

• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா

• 
  'ஆதிசக்தி' : புதிய பயணத்தை துவங்கிய சம்யுக்தா
• 
  ரீ-ரிலீஸ் ஆகும் ‛மங்காத்தா'
• 
  மகாபாரத கதையை 2 பாகங்களாக இயக்கும் லிங்குசாமி
• 
  இன்ஸ்டா கணக்கு நீக்கம் : யுவன் விளக்கம்
• 
  விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் ...