மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' | மகள் திருமணத்தில் பிசியான ஷங்கர் | மீண்டும் வெளியாகிறது 'அஞ்சான்' | விடுதலைபுலி இயக்கத்தின் அடுத்தகட்ட தலைவர்கள் பற்றிய படம் |
நடிகை விஜயலட்சுமி தனது காதல் கணவர் பெரோஸிற்காக தயாரிக்கும் படம் பண்டிகை. பெரோஸ் இயக்கும் இந்தப் படத்தில் கிருஷ்ணா, ஆனந்தி, நிதின் சத்யா, கருணாஸ், சரவணன், பிளாக் பாண்டி, மதுசூதனராவ் நடிக்கிறார்கள். ஆர்.எச்.விக்ரம் இசை அமைத்துள்ளார், அரவிந்த் ஒளிப்பதிவு செய்துள்ளார்.
படத்தின் பட்ஜெட் திட்டமிட்டதைவிட அதிகமானதில் விஜயலட்சுமி அப்செட் ஆனார். இதனால் கணவருடன் சண்டை போட்டு பிறகு சமாதானமானார். படம் தயாராகியும் அதை வெளியிடுவதில் தொடர்ந்து பொருளாதார சிக்கல் இருந்து வந்தது. தற்போது படத்தை ஆரா சினிமாஸ் வாங்கியுள்ளது. வருகிற மார்ச் 9ந் தேதி படம் வெளிவருகிறது.
"கை ஓங்கினால் தான், நினைத்தது கிடைக்கும் என்று எண்ணும் ஒரு கோபமான அனாதை இளைஞன், ஒரு கட்டத்தில் தான் எண்ணியது தவறு என்பதை உணர்ந்து கொள்கிறான். இயல்பான வாழ்க்கையை வாழ்ந்து கொண்டிருக்கும் போது, அவன் தன் காதலிக்காக நிழல் உலக தாதாக்கள் நடத்தும் ஒரு சண்டையில் கலந்து கொள்ள நேரிடுகிறது. அதில் இருந்து எப்படி அவன் வெளியே வருகிறான் என்பது தான் படத்தின் கதை. விநியோக துறையில் பிரபலமாக விளங்கும் ஆரா சினிமாஸ் மகேஷ் கோவிந்தராஜ் எங்கள் படத்தை உலகமெங்கும் வெளியிடுவது மகிழ்ச்சியாக இருக்கின்றது. படம் வெளியாகும் நாளான மார்ச் 9 ஆம் தேதி, எங்கள் அனைவருக்கும் பண்டிகை நாளாக இருக்கும்." என்கிறார் இயக்குநர் பெரோஸ்.