Dinamalar

ஒருவழியாக திலீப் படத்தை இயக்க சம்மதித்தார் நாதிர்ஷா..!

மலையாள திரையுலகில் பாடகர், சின்னத்திரை நடிகர், காமெடி நடிகர் என பல அடையாளங்களுடன் வலம் வந்த நடிகர் நாதிர்ஷா, கடந்த 2015ல் வெளியான 'அமர் அக்பர் ஆண்டனி' படம் மூலம் இயக்குனராக உருவெடுத்தார். ஒரு ஹீரோவுடன் நீண்டநாட்கள் பழக்கத்தில் இயக்குனர்களாக மாறும்போது தங்கள் நட்பு வட்டாரத்தில் உள்ள ஹீரோக்களைத்தான் தங்களது முதல் பட ஹீரோவாக கமிட் பண்ணுவார்கள். ஆனால் நாதிர்ஷாவோ தனது முதல் படத்தில் தனது நீண்டநாள் நண்பரான திலீப்பை விட்டுவிட்டு, பிருத்விராஜையும், ஜெயசூர்யாவையும் ஹீரோவாக்கினார். படமும் ஹிட்டானது.

அந்த சமயத்தில் திலீப்பை இயக்காததற்கு காரணம் அவருக்கான கதை தன்னிடத்தில் இல்லை என்பதுடன் தனது முதல் படம் நல்ல வெற்றியை பெற்றால் அவரது அடுத்த படம் திலீப்புக்குத்தான் என்றும் கூறினார். ஆனால் அடுத்த படத்திற்கு கதாசிரியராக தன்னுடன் இணைந்து பணியாற்றிய விஷ்ணு உன்னிகிருஷ்ணனை ஹீரோவாக அறிமுகப்படுத்தி கட்டப்பனயிலே ரித்விக்ரோஷன் என்கிற படத்தை சின்ன பட்ஜெட்டில் எடுத்து அதையும் ஹிட்டாக்கினார் நாதிர்ஷா. ஆனால் அவர் சொன்னபடி இரண்டாம் படம் திலீப்புக்குத்தான் போனது. ஆம். அந்தப்படத்தை தயாரித்தவர் திலீப் தான்..

அடுத்ததாக நாதிர்ஷா மம்முட்டியை வைத்து தனது மூன்றாவது படத்தை இயக்கவுள்ளார் என்றுதான் இப்போது பரவலான பேச்சு அடிபடுகிறது. நாதிர்ஷாவும் அதை சூசகமாக உணர்த்தியும் உள்ளார். அப்படியானால் இரண்டு ஹிட்டுகளை கொடுத்துவிட்டு இன்னும் திலீப்பை இயக்காதது ஏன் என கேட்பவர்களுக்கு திலீப் படத்தை முடித்ததும் அடுத்ததாக மம்முட்டி படத்தை இயக்கப்போவதாக உறுதி கூறியுள்ளாராம் நாதிர்ஷா.

• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா
• 
  ஜெகபதி பாபுவிற்கு சல்மான்கான் சொன்ன அட்வைஸ்
• 
  வித்யாபாலனின் காதல் தோல்வி : அவரே வெளியிட்ட தகவல்
• 
  சல்மான்கான் வீடு மீது துப்பாக்கிச்சூடு
• 
  காதலை உறுதிப்படுத்திய ஜான்வி கபூர்

• 
  ரூ.50 கோடி வசூலை கடந்த பஹத் பாசிலின் ஆவேசம்
• 
  தொடர்ந்து காமெடி படங்களில் நடிக்கும் பஹத் பாசில்
• 
  மம்முட்டியின் டர்போ ரிலீஸ் தேதி அறிவிப்பு
• 
  ராம் சரணுக்கு டாக்டர் பட்டம்: சிரஞ்சீவி நெகிழ்ச்சி
• 
  பிரபல சினிமா தயாரிப்பாளர் சவுந்தர்ய ஜெகதீஷ் தற்கொலை