Dinamalar

யார் இடத்தையும் யாரும் பிடிக்க முடியாது: டேனியல் பாலாஜி

காக்க காக்க, வேட்டையாடு விளையாடு, பொல்லாதவன், வை ராஜா வை, அச்சம் என்பது மடமையடா, பைரவா என பல படங்களில் வில்லத்தனமான வேடங்களில் நடித்தவர் டேனியல் பாலாஜி. தற்போது வடசென்னை, மாயவன், இப்படை வெள்ளும், சதுரங்கவேட்டை-2, வணங்காமுடி என பல படங்களில் நடித்து வருகிறார். தினமலர் இணையதளத்திற்காக அவரிடம் ஒரு மினி பேட்டி...

* உங்களது கேரக்டர் செலக்சன் பற்றி சொல்லுங்கள்?

நான் சினிமாவில் வில்லன் நடிகர் என்கிற முத்திரையில் இருந்தபோதும், எல்லாவிதமான கேரக்டர்களிலும் நடிக்க வேண்டும் என்பது தான் எனது ஆசையாக உள்ளது. அதோடு, நெகட்டிவ் வேடம் மட்டுமின்றி, குணசித்ரம் மற்றும் செண்டிமென்ட் வேடங்களிலும் நடித்திருக்கிறேன். மேலும் நான் நடிக்கும் எந்தவொரு வேடமாக இருந்தாலும் கதை கேட்கும்போது என்னை டச் பண்ண வேண்டும். நான் நடித்த பிறகு ரசிகர்களை அந்த கேரக்டர் டச் பண்ண வேண்டும். அது பாசிட்டிவ், நெகட்டிவ் என எதுவாக இருந்தாலும் இந்த விசயங்களை மனதில் கொண்டு தான் கேரக்டர்களை நான் செலக்ட் பண்ணி வருகிறேன்.

* தமிழ் சினிமாவில் பிரகாஷ்ராஜின் வில்லன் இடம் காலியாகி விட்டதே. அதை பிடிக்க முயற்சிப்பீர்களா?

அவர் இடம் காலியாகவில்லை. இப்போதும் அவர் பல படங்களில் நடித்துக்கொண்டுதான் இருக்கிறார். மேலும், நான் யார் இடத்தையும் பிடிக்கவோ, யாரையும் பின்பற்றுவதோ இல்லை. எனக்கென ஒரு பாணி வைத்து நடிக்கிறேன். அதனால்தான் எனது நடிப்பில் யாருடைய சாயலும் இல்லாமல் இருக்கிறது. முக்கியமாக, யார் இடத்தையும் யாரும் பிடிக்க முடியாது.

* ஹீரோவாக நடிப்பீர்களா?

என்னைப்பொறுத்தவரை ஹீரோ, வில்லன் என்கிற பாகுபாடெல்லாம் பார்ப்பதில்லை. எல்லாம் ஒவ்வொரு வகையான கேரக்டர்கள். அந்தவகையில் நல்ல நடிகனாக இருக்க வேண்டும் என்பது தான் எனது ஆசை. காரணம், இப்படித்தான் என்றில்லாமல் எல்லாவிதமான வேடங்களிலும் என்னால் நடிக்க முடியும். குறிப்பாக கண்கலங்க வைக்கும் வேடங்களிலும் நடிப்பேன். இப்போது வெற்றிமாறன் இயக்கத்தில் நடிக்கும் வடசென்னை படத்தில் நான் வில்லனாக நடிக்கவில்லை. ஒரு வித்தியாசமான கேரக்டரில்தான் நடிக்கிறேன். என்னை எல்லாவிதமான கேரக்டர்களிலும் டைரக்டர்கள் நடிக்க வைக்கிறார்கள்.

* விஜய்யுடன் நடித்த அனுபவம் பற்றி?

நல்ல அனுபவம்தான். சாதாரணமாக இருப்பார். கேமரா முன்பு வந்துவிட்டால் கதாபாத்திரமாகி விடுவார். அவரது நடனம் எனக்கு ரொம்ப பிடிக்கும். அவர் மட்டுமின்றி ஒவ்வொரு ஹீரோக்களிடமுமே ஒவ்வொரு தனித்துவம் உள்ளது. மேலும், நிறைய படங்களில் நடிக்க வேண்டும் என்று நான் ஆசைப்படுவதில்லை. வருடம் ஓரிரு படங்களில் நடித்து வந்த நான், கடந்த ஆண்டு தான் 6 படங்களில் நடித்தேன். எனக்கு பிடித்தமான படங்களாக வந்ததால் நடித்தேன். அதோடு, தமிழ் மட்டுமின்றி மலையாளம், தெலுங்கு, கன்னட படங்களிலும் நடித்து வருகிறேன் என்கிறார் டேனியேல் பாலாஜி.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்
• 
  ஸ்டார் படம் ரிலீஸ் பற்றி கவின் வெளியிட்ட தகவல்