அரசியல் கட்சித் தலைவராக இருந்து விஜய் செய்தது சரியா ? | மோகன்லாலுடன் 56வது முறையாக ஜோடி சேரும் ஷோபனா | 'பிரேமலு 2' அறிவிப்பு : 2025ல் வெளியாகும்… | 'ரோமியோ' படத்தை 'அன்பே சிவம்' படத்துடன் ஒப்பிட்ட விஜய் ஆண்டனி | ஓட்டு கூட போடாத திரைப்பிரபலங்கள்...! | விஜய்யைக் காப்பியடிக்கும் விஷால் : ரசிகர்கள் கிண்டல் | தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் |
'தெறி' படத்தின் வெற்றிக்குப் பிறகு விஜய் - இயக்குனர் அட்லீ இணையும் புதிய படத்தின் படப்பிடிப்பு கடந்த வாரம் ஆரம்பமானது. படத்தில் ஜோதிகா, காஜல் அகர்வால், சமந்தா ஆகிய மூன்று நாயகிகள் நடிப்பதாக அதிகாரப்பூர்வமாக அறிவித்தார்கள். ஆனால், படப்பிடிப்பு ஆரம்பமாவதற்கு முன்னர் இந்தப் படத்திலிருந்து விலகிக் கொள்வதாக ஜோதிகா தெரிவித்துள்ளார். அதனால், கடும் அதிர்ச்சியடைந்த படக் குழுவினர் உடனடியாக வேறு ஒருவரை அந்தக் கதாபாத்திரத்தில் நடிக்க வைக்க பேச்சு வார்த்தைகளை ஆரம்பித்துவிட்டார்கள்.
கதையைக் கேட்டு சம்மதித்து, கதாபாத்திரம் சம்பந்தமாக, பயன்படுத்தும் ஆடைகள் உட்பட அனைத்து விதமான விவாதங்களையும் ஜோதிகா முடித்துள்ள நிலையில் அவரது திடீர் விலகல் ஏன் என்பதை படக்குழுவினர் இதுவரை அறிவிக்கவில்லை. ஜோதிகா போன்ற சீனியர் ஹீரோயின் யாரும் இப்போது தமிழ் சினிமாவில் இல்லை. அதனால் அவருக்குப் பதிலாக பொருத்தமான வேறு ஒருவரைத் தேடிப் பிடிப்பது எளிதான விஷயமில்லை. அதிலும் படத்தின் படப்பிடிப்பையும் ஆரம்பித்தாகிவிட்டது என படக் குழுவினர் கடுப்பாகவே உள்ளார்களாம்.
'36 வயதினலே' படத்திற்குப் பிறகு ஜோதிகா நாயகியாக நடித்துள்ள 'மகளிர் மட்டும்' படத்தின் டீசர் இரு தினங்களுக்கு முன்பு வெளியிடப்பட்டது. டீசருக்கு நல்ல வரவேற்பு கிடைத்து வருகிறது. விஜய் படத்தில் ஜோதிகா திடீரென நடிக்க மறுத்ததற்குக் காரணம் சில குடும்ப நெருக்கடிகள் என்கிறது கோலிவுட் வட்டாரம்.
கௌதம் மேனன் இயக்கத்தில் 'துருவ நட்சத்திரம்' படத்திற்கு பூஜை எல்லாம் போட்ட பின் சூர்யா நடிக்க மறுத்ததும், அந்தப் படத்தில் தற்போது விக்ரம் நாயகனாக நடித்து வருவதும் அனைவருக்கும் தெரிந்த ஒன்றுதான். கடைசி நேரத்தில் ஜோதிகா விலகியது குறித்து விஜய் தான் அதிகம் வருத்தப்பட்டார் என்கிறார்கள். விஜய் - ஜோதிகா இணைந்து நடித்த 'குஷி, திருமலை' இரண்டு படங்களும் சூப்பர் ஹிட் படங்கள் என்பது குறிப்பிடத்தக்கது.