'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
பி.வாசு இயக்கத்தில் ராகவா லாரன்ஸ், ரித்திகா சிங், வடிவேலு மற்றும் பலர் நடித்துள்ள 'சிவலிங்கா' படத்தின் வெளியீடு ஏப்ரல் மாதத்திற்கு தள்ளி வைக்கப்பட்டுள்ளதாகத் தகவல்கள் தெரிவிக்கின்றன. முதலில் இந்தப் படம் இந்த மாதம் 17ம் தேதியன்று வெளியாகும் என்று அறிவிக்கப்பட்டிருந்தது. ஆனால், அன்றைய தினம் ராகவா லாரன்ஸ் நடித்துள்ள மற்றொரு படமான 'மொட்ட சிவா கெட்ட சிவா' படமும் வெளியாகும் என விளம்பரப்படுத்தி வந்தார்கள். தமிழ்த் திரையுலகில் ஒரு நடிகர் நடித்த படம் ஒரே தினத்தில் வெளியாகக் கூடாது என பல வருடங்களுக்கு முன்பே முடிவெடுத்திருந்தனர். அது இந்தப் படங்களின் மூலம் மீற வேண்டிய சூழ்நிலை உருவானது.
இதனிடையே இது பற்றி திரைப்படக் கூட்டமைப்பு சார்பில் சில தினங்களாக பேச்சு வார்த்தை நடைபெற்று வந்துள்ளது. அதன் முடிவில் 'மொட்ட சிவா கெட்ட சிவா' படத்தை பிப்ரவரி 17ம் தேதி வெளியிடலாம் என்றும், 'சிவலிங்கா' படத்தை தள்ளி வைத்துக் கொள்ள வேண்டும் முடிவெடுத்ததாகத் தெரிகிறது. அதைத் தொடர்ந்து 'சிவலிங்கா' படத்தின் தயாரிப்பாளர்கள் படத்தை ஏப்ரல் மாதத்திற்கு தள்ளி வைத்துவிட்டார்களாம். அடுத்த மாதம் தேர்வுகள் நடைபெறும் மாதம் என்பதால் ஏப்ரல் மாதமே சரியாக இருக்கும் என வினியோகஸ்தர்களும் தெரிவித்தார்களாம். அதோடு, படத்தை தமிழ், தெலுங்கில் தயாரித்துள்ளதால் இரு மொழிகளிலும் ஒரே தினத்தில் வெளியிட்டால்தான் படத்திற்கும் நல்லது என்ற காரணமும் அதில் அடங்கியுள்ளது.