இரண்டு சரவணன்களும் நடிக்கும் சத்ரியன்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

இரண்டு 'சரவணன்'களும் நடிக்கும் 'சத்ரியன்'

31 ஜன, 2017 - 17:04 IST

எழுத்தின் அளவு:

தமிழ்த் தொலைக்காட்சித் தொடர்களுக்கு சராசரி ரசிகர்களாய் இருக்கும் அனைவருக்கும் மட்டுமல்லாமல் மற்றவர்களுக்கும் தெரிந்த ஒரு தொடராய் இருப்பது விஜய் டிவியில் ஒளிபரப்பாகி வரும் 'சரவணன் மீனாட்சி'. இந்தத் தொடரின் தற்போதைய சீசனில் சரவணன் ஆக நடித்துக் கொண்டிருப்பவர் சன் மியூசிக்கில் தொகுப்பாளராக இருந்த ரியோ. இதற்கு முந்தைய சீசனில் சரவணன் ஆக நடித்தவர் கவின். இந்த இரண்டு சரவணன்களும் தற்போது ஒரே படத்தில் நடித்துள்ளார்கள். ஏறக்குறைய இருவருக்குமே இந்தப் படம் அறிமுகப் படம் என்று கூட சொல்லலாம்.

சத்ய ஜோதி பிலிம்ஸ் தயாரிப்பில் 'சுந்தர பாண்டியன், இது கதிர்வேலன் காதல்' ஆகிய படங்களை இயக்கிய எஸ்.ஆர்.பிரபாகரன் இயக்ககத்தில் விக்ரம் பிரபு, மஞ்சிமா மோகன் நாயகன் நாயகியாக நடிக்கும் 'சத்ரியன்' படத்தில் கவின், ரியோ இருவரும் முக்கிய கதாபாத்திரங்களில் நடித்துள்ளார்கள்.

கவின் வில்லன் மகளைக் காதலிக்கும் காதலனாகவும் (?), ரியோ, நாயகன் விக்ரம் பிரபுவின் நண்பனாகவும் நடித்துள்ளார்கள். இன்று வெளியிடப்பட்ட டிரைலரில் இருந்து இவர்கள் இருவரின் கதாபாத்திரமும் இப்படித்தான் இருக்கும் என்று புரிந்து கொள்ள முடிகிறது.

சிவகார்த்திகேயனும் இப்படித்தான் தனுஷ் நண்பனாக நடித்து இப்போது முன்னணி கதாநாயகர்களில் ஒருவராக உயர்ந்துள்ளார். அப்படி ஒரு வாய்ப்பு கவின், ரியோ இருவரில் யாருக்கு அமையப் போகிறது என்பதைப் பொறுத்திருந்து பார்ப்போம்.

sathriyan

rio

kavin

vikramprabhu

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய