Dinamalar

மலையாள ரீமேக்கில் சத்யராஜ்-வடிவேலு..?

மலையாளத்தில் சூப்பர்ஹிட்டான பல படங்கள் இங்கே தமிழில் ரீமேக்காகும்போது அதில் உள்ள காமெடி கேரக்டர்களில் தவறாமல் இடம்பெற்று வந்தவர்தான் வடிவேலு.. சத்யராஜும் அதுபோல பல மலையாள ரீமேக் படங்களில் நடித்து ஹிட் கொடுத்தவர்தான். தற்போது இவர்கள் இருவரும் மலையாள ரீமேக் ஒன்றில் முக்கிய கதாபாத்திரங்களில் இணைந்து நடிக்கவுள்ளதாக தகவல் வெளியாகியுள்ளது.

கடந்த இரண்டு மாதங்களுக்கு முன் மலையாள திரையுலகில் நடிகர் திலீப் தயாரிப்பில் உருவான 'கட்டப்பனையிலே ரித்விக்ரோஷன்' என்கிற படம் வெளியானது.. 'அமர் அக்பர் அந்தோணி' என்கிற படத்தை இயக்கிய நாதிர்ஷா என்பவர்தான் இந்தப்படத்தை இயக்கியிருந்தார். இந்தப்படத்தின் கதாசிரியர்களில் ஒருவரான விஷ்ணு உன்னிகிருஷ்ணன் தான் படத்தின் கதாநாயகனாக நடித்திருந்தார்.. சுமாரான தோற்றம் கொண்ட இளைஞன் சினிமாவில் எப்படி ஜெயிக்கிறான் என்பதுதான் கதை. கிட்டத்தட்ட நூறாவது நாளை நெருங்கி ஓடிக்கொண்டு இருக்கும் இந்தப்படத்தின் தமிழ் ரீமேக்கில் தான் சத்யராஜும் வடிவேலும் இணைந்து நடிக்க இருக்கிறார்களாம்.

மலையாளத்தில் இந்தப்படத்தை இயக்கிய நாதிர்ஷாவே இதை தமிழிலும் இயக்க இருக்கிறாராம். அதேபோல் தான் மலையாள நடிகர் திலீப்பே தமிழிலும் இந்தப்படத்தை தயாரிக்கிறாராம். கதாநாயகனும் அதே விஷ்ணு உன்னிகிருஷ்ணன் தானாம். இதில் கதாநாயகனின் தந்தையாக நிறைவேறாத சினிமா கனவுகளை மகன் மூலம் நிறைவேற்ற துடிக்கும் தந்தையாக சித்திக் நடித்த கதாபாத்திரத்தில் தான் சத்யராஜ் நடிப்பார் என்று தெரிகிறது. சத்யராஜின் நண்பனாக, சலீம் குமார் நடித்த கேரக்டரிலோ அல்லது விஷ்ணு உன்னிகிருஷ்ணனின் நண்பனாக நடித்த தர்மஜன் கேரக்டரிலோ வடிவேலு நடிக்கலாம் என்றும் சொல்லப்படுகிறது.

• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...

• 
  பிளாஷ்பேக்: இசையிலும் சாதனை படைத்த ராஜ்குமார்
• 
  ஹாலிவுட் பட ஆடிசனில் கலந்து கொண்ட பஹத் பாசில்
• 
  தெலுங்கு இயக்குனர் சங்கத்திற்கு பிரபாஸ் ரூ.35 லட்சம் நன்கொடை
• 
  10 வருடங்களுக்கு பிறகு ஜூனியர் என்டிஆர் பட இயக்குனர் - ஒளிப்பதிவாளர் ...
• 
  ஜன கன மன 2 எப்போது? - இயக்குனர் தகவல்