ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
ஒரு வாரத்திற்கு முன் ஆரம்பித்து தமிழ்நாட்டில் நடைபெற்று வரும் ஜல்லிக்கட்டுக்கு ஆதரவான போராட்டம் கடந்த சில நாட்களாக உலக அளவில் அனைவராலும் பேசப்படும் பொருளாக மாறியது.. பலதரப்பிலும் இருந்து இதற்கு ஆதரவுகள் குவிந்தன. அந்தவகையில் மலையாள திரையுலகில் இருந்து மம்முட்டி, நிவின்பாலி, அஜு வர்கீஸ், வினீத் சீனிவாசன், ஜெயராம் உள்ளிட்டோர் தமிழ இளைஞர்களின் ஜல்லிக்கட்டு போராட்டத்துக்கு ஆதரவாக வாழ்த்துக்களை தெரிவித்தனர். இது தமிழ்நாட்டில் அனைவரிடமும் வரவேற்பை பெற்றது..
கேரளாவில் கூட பலரும் இவர்களது ஆதரவை பாராட்டினாலும் கூட, அதிலும் சில அதிருப்தியாளர்கள் இவர்கள் ஜல்லிக்கட்டுக்கு தந்த ஆதரவை விமர்சித்து வருகின்றனர். “கேரளாவில் நடைபெற்ற எத்தனையோ போராட்டங்களில், குறிப்பாக தெருநாய்கள் கடித்து பலர் பாதிக்கப்பட்ட நிகழ்வுகள் நடந்தபோதெல்லாம் இவர்கள் வாய்திறக்காதது ஏன்..? இப்போது மம்முட்டி, நிவின்பாலி, ஜெயராம் இவர்கள் எல்லாம் தமிழ்நாட்டுக்கு ஆதரவாக பேசியிருப்பது தங்களது மார்க்கெட்டை தமிழ் சினிமாவில் வலுப்படுத்திக்கொள்வதற்காகத்தான்” என அவர்கள் குற்றம் சாட்டியுள்ளனர்.. இருந்தாலும் விமர்சிப்பவர்களின் எண்ணிக்கையை விட இவர்களின் ஜல்லிக்கட்டு ஆதரவு நிலைப்பாட்டை பாரட்டுபவர்களே அதிகம் இருக்கின்றனர்.