ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
கடந்த 2014ல் மலையாளத்தில் வெளியான '100 டிகிரி செல்சியஸ்' படம் தமிழில் ரீமேக்காகும் வேலைகளில் மும்முரமாக இருக்கிறது. எந்த மொழிக்கும் செட்டாக கூடிய த்ரில்லர் வகையை சேர்ந்தது. இந்தப்படத்தில் அனன்யா, ஸ்வேதா மேனன், மேக்னா ராஜ், பாமா ஆகியோர் நடித்திருந்தனர். வேலைக்கு செல்லும் ஐந்து பெண்கள் ஒன்றாக தங்கியிருக்கும் அபார்ட்மென்ட்டில் அவர்களது பிளாட்டில் ஒரு மரணம் நிகழ்கிறது. அதை அவர்கள் யாருக்கும் தெரியாமல் மறைக்க முற்படுவதும், அதை தெரிந்துகொண்ட யாரோ ஒருவன் அந்த ஐந்து பேரையும் ஒருவர் அறியாமல் இன்னொருவரை மாறி மாறி பிளாக் மெயில் செய்வதும் தான் படத்தின் கதை. ராகேஷ் கோபன் என்பவர் இந்தப்படத்தை இயக்கியிருந்தார்.
மலையாளத்தில் இருந்து ஹிட்டடித்த இந்தப்படத்தை தமிழில் ரீமேக் செய்யப்போகிறவர் மித்ரன் ஆர்.ஜவஹர். இந்தப்படத்தில் ராய் லட்சுமி, மற்றும் நிகிஷா படேல் ஆகியோர் ஒப்பந்தமாகி இருக்கிறார்கள். முதன்மை கதாநாயகியாக ஸ்வேதா மேனன் நடித்திருந்த கேரக்டரில் தான் ராய் லட்சுமி நடிக்கிறார். அந்தப்படத்தில் டிவி சேனல் ரிப்போர்ட்டராக இருந்த ஸ்வேதா மேனன் கேரக்டரை, ராய் லட்சுமிக்காக ரேடியோ ஜாக்கி கேரக்டராக மாற்றியுள்ளார் மித்ரன் ஆர்.ஜவஹர். மற்றபடி ஸ்வேதா மேனனின் போல்டான குணாதிசயத்தை எல்லாம் மாற்றவில்லையாம்.