ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
தனுசுடன் நடித்த கொடி படத்தில் இருந்து தனது ட்ராக்கை மாற்றினார் திரிஷா. விளைவு, தற்போது அவர் கைவசம் மோகினி, சதுரங்கவேட்டை-2, கர்ஜனை, 96, 1818 என பல படங்களில் லீடு ரோல்களில் நடித்து வருகிறார். இதில் சதுரங்கவேட்டை-2, 96 படங்களை தவிர மற்ற படங்கள் த்ரிஷாவை முன் வைத்துதான் வியாபாரமாக உள்ளது. ஆனால் இந்த நேரத்தில் தற்போது பீட்டாவில் அங்கம் வகித்திருக்கும் த்ரிஷா ஜல்லிக்கட்டு விவகாரத்தில் சிக்கியிருப்பதால் அவரை வைத்து படம் தயாரித்திருப்பவர்கள் அச்சத்தில் உள்ளனர்.
காரணம், பீட்டா அமைப்புக்கு எதிராக இதுவரை இல்லாத அளவுக்கு இப்போது தமிழகத்தில் எதிர்ப்பு வலுத்துள்ளது. அதனால்தான் த்ரிஷா நடித்து வரும் கர்ஜனை படப்பிடிப்புதளம் வரை சென்று ஜல்லிக்கட்டு ஆதரவாளர்கள் எதிர்ப்பு தெரிவித்துள்ளனர். மேலும், இந்த எதிர்ப்பை இதோடு விட்டு விடக்கூடாது. த்ரிஷா நடித்த படங்கள் வெளியாகும்போது எதிர்ப்பு தெரிவிக்க வேண்டும் என்று தென்மாவட்டங்களில் திட்டமிட்டுள்ளார்களாம். அதனால் த்ரிஷாவை கதையின் நாயகியாக வைத்து படம் தயாரித்திருப்பவர்கள் அதிர்ச்சியடைந்துள்ளனர். அதோடு, இதுவரை இந்த மாதிரி மிரட்டல்களுக்கு கலங்காத த்ரிஷாவும் இந்த பிரச்சினையினால் தனது மார்க்கெட் சரிந்து விடுமோ என்று அதிர்ச்சியடைந்துள்ளாராம்.