Dinamalar

“என் தவறுகளை பொறுத்துக்கொண்டதற்கு மோகன்லாலுக்கு நன்றி” ; பிரகாஷ்ராஜ்..!

பிரியதர்ஷன் இயக்கத்தில் மோகன்லால் நடித்து வெளியான 'ஒப்பம்' படம் நூறு நாட்களை தாண்டி ஓடியது.. இன்னும் கூட சில தியேட்டர்களில் ஓடிக்கொண்டு இருக்கிறது.. இந்தப்படத்தில் பார்வையற்றவராக மோகன்லால் நடித்திருந்தார். இருந்தாலும் இந்தப்படம் ஆக்சன் க்ரைம் த்ரில்லர் வகையை சேர்ந்ததால் ரசிகர்களின் வரவேற்பை பெற்று சுமார் நூறு கோடி ரூபாய் வசூலையும் நெருங்கியுள்ளது. சில தினங்களுக்கு முன் இந்தப்படத்தின் 101வது நாள் விழாவை கொண்டாடினார்கள்.

கொச்சியில் நடைபெற்ற இந்தவிழாவில் பிரியதர்ஷன், மோகன்லாலுடன் சிறப்பு விருந்தினராக பிரகாஷ்ராஜும் கலந்துகொண்டார். தனக்கு 'காஞ்சிவரம்' படம் மூலம் தேசிய விருது வாங்கித்தந்தவரும் தற்போது அவரை வைத்து சில சமயங்களில் என்கிற படத்தையும் இயக்கிவரும் என்பதால் பிரியதர்ஷன் அழைப்பை ஏற்று இந்த விழாவிற்கு வந்திருந்தார் பிரகாஷ்ராஜ். விழாவில் பேசும்போது உலகில் உள்ள தலை சிறந்த நடிகர்களில் மோகன்லாலும் ஒருவர் என பாராட்டினார்.

இருபது வருடங்களுக்கு முன் மோகன்லாலுடன் தான் இணைந்து நடித்த 'இருவர்' பட அனுபவங்களையும் பகிர்ந்துகொண்ட பிரகாஷ்ராஜ், “அப்போது நான் அறிமுகமாகியிருந்த நேரம்.. அவரோ இருபது வருட அனுபவத்துடன் சூப்பர்ஸ்டாராக இருந்தார். அந்தப்படத்தில் நான் ஒரு காட்சியில் இருபது டேக்குகள் வரை வாங்கினேன்.. ஆனால் ஒரே டேக்கில் ஒகே செய்த மோகன்லால் என்னுடைய அத்தனை தவறுகளையும் பெருந்தன்மையுடன் பொறுத்துக்கொண்டார். அங்கிருந்து கற்றுக்கொண்டுதான் நான் இப்போது சொல்லிக்கொள்ளும்படியான நடிகனாகி இருக்கிறேன். அதற்காக நான் மோகன்லாலுக்கு நன்றியை தெரிவித்துக்கொள்கிறேன்” என்று கூறினார் பிரகாஷ்ராஜ்.

• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா
• 
  ஜெகபதி பாபுவிற்கு சல்மான்கான் சொன்ன அட்வைஸ்
• 
  வித்யாபாலனின் காதல் தோல்வி : அவரே வெளியிட்ட தகவல்
• 
  சல்மான்கான் வீடு மீது துப்பாக்கிச்சூடு
• 
  காதலை உறுதிப்படுத்திய ஜான்வி கபூர்

• 
  ரூ.50 கோடி வசூலை கடந்த பஹத் பாசிலின் ஆவேசம்
• 
  தொடர்ந்து காமெடி படங்களில் நடிக்கும் பஹத் பாசில்
• 
  மம்முட்டியின் டர்போ ரிலீஸ் தேதி அறிவிப்பு
• 
  ராம் சரணுக்கு டாக்டர் பட்டம்: சிரஞ்சீவி நெகிழ்ச்சி
• 
  பிரபல சினிமா தயாரிப்பாளர் சவுந்தர்ய ஜெகதீஷ் தற்கொலை