பாண்டிராஜ் இயக்கத்தில் விஜய் சேதுபதி? | விக்ரம் படத்தில் இணைந்த மற்றொரு மலையாள நடிகர் | கள்ளழரை அருகில் கண்ட பேரானந்தத்தில் சூரி | ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா | 10 மில்லியன் பார்வையாளர்களை கடந்த ‛இனிமேல்' ஆல்பம் | டில்லியில் தக்லைப் படக்குழு : கமல் - சிம்பு - கவுதம் கார்த்திக் பங்கேற்பு | கார் விபத்து வழக்கு - நீதிமன்றத்தில் ஆஜரான யாஷிகா | 'கல்கி'யில் அஸ்வத்தாமாவாக நடிக்கும் அமிதாப் | மீண்டும் பிஸியாகிறார் நித்தி அகர்வால் | 'குரங்கு பெடல்' 80ஸ் கிட்ஸின் கதை : கமலக்கண்ணன் |
தளபதி பிரபு இயக்கத்தில் உதயநிதி நாயகனாக நடித்து வரும் படம் பொதுவாக எம்மனசு தங்கம். அவருடன் பார்த்திபன், சூரி, நிவேதா பெத்துராஜ் ஆகியோரும் முக்கிய வேடங்களில் நடித்துள்ள இந்த படம் அரசியல் காமெடி கதையில் உருவாகியுள்ளது. கூடவே இந்த படத்தில் ரொமான்ஸ் காட்சிகளிலும் முன்பை விட அதிக ஈடுபாடு காட்டி நடித்துள்ளாராம் உதயநிதி. மேலும், அரசியல் தாதாவாக நடித்துள்ள பார்த்திபனுக்கும், உதயநிதிக்குமிடையே நடக்கும் பிரச்சினை தான் இப்படமாம்.
அதோடு, அரசியல்வாதியான பார்த்திபனை தோற்கடிக்க உதயநிதி தேர்தலில் போட்டியிடுவதும். அவருக்கு இணையாக வீதிகளில் கட்அவுட்கள் வைத்து அமர்க்களப்படுத்துவதும் இந்த படத்தில் அரங்கேறியுள்ளதாம். கூடவே உதயநியின் நண்பனாக நடித்துள்ள சூரி, இதற்கு முன்பு உதயநிதி படங்களில் சந்தானம் கலக்கியதைப்போன்று காமெடி காட்சிகளில் கலக்கியிருக்கிறாராம். இந்த படத்தின் அனைத்துக்கட்ட படப்பிடிப்புகளும் மதுரை, தேனி பகுதிகளில் கடந்த சில மாதங்களாக நடந்து வந்த நிலையில், இன்று இரவோடு படப்பிடிப்பு நிறைவு பெறுகிறதாம். அதனால் பூசணிக்காய் உடைத்த கையோடு நாளை யூனிட் சென்னை திரும்புகிறது.