Dinamalar

ஓம் நமோ வெங்கடேஷாயா பாடல்கள் வெளியீடு

தெலுங்கு திரை உலகின் பிரபல பக்தி பட இயக்குனர் கே.எஸ்.ராகவேந்திர ராவ் இயக்கத்தில் நாகார்ஜூனா நடித்துள்ள பக்தி திரைப்படமான ஓம் நமோ வெங்கடேஷாய படத்தின் பாடல்கள் வெளியீட்டு விழா இன்று(ஜனவரி 9) ஐதராபாத்தில் நடைபெற்றது. நாகார்ஜூனா, அனுஷ்கா, ப்ரக்யா ஜெய்ஸ்வால், சௌரப் ஜெயின் என இப்படத்தில் நடித்துள்ள கலைஞர்கள், நாகார்ஜூனாவின் மகன்கள் நாகசைதன்யா, அகில், தொழிட் நுட்ப கலைஞர்கள் மற்றும் டோலிவுட்டின் முக்கிய பிரமுகர்களும் இவ்விழாவில் கலந்து கொண்டனர். பாகுபலி படத்தின் இசையமைப்பாளர் கீரவாணி இப்படத்திற்கு இசையமைத்துள்ளார்.

விழாவில் பேசிய நாகார்ஜூனா, இப்படத்தில் பணியாற்றிய அணைவருமே எனக்கு விருப்பத்திற்குரியவர்கள். இசையமைப்பாளர் கீரவாணியின் இசையில் பாடல்களை கேட்கும் போது கண்ணீர் வருகின்றது. இப்படமே இயக்குனர் ராகவேந்திர ராவ்வின் இறுதிப்படமாக இருக்கும் என இயக்குனர் என்னிடம் கூறினார். ஓம் நமோ வெங்கடேஷாய திரைப்படம் கண்டிப்பாக கிளாசிக் படங்களின் வரிசையில் இடம்பெறும் என்றும் நாகார்ஜூனா தெரிவித்தார்.

ஹிந்தி நடிகர் சௌரப் ஜெயின் பெருமாள் வேடமேற்று நடித்துள்ள இப்படத்தில் பெருமாள் பக்தரான ஹாத்தி ராம் பாபா வேடத்தில் நாகார்ஜூனா நடித்துள்ளார். கிருஷ்ணம்மா எனும் பெருமாள் பக்தை வேடத்தில் அனுஷ்கா நடித்துள்ளார். தயாரிப்பாளர் மகேஷ் ரெட்டி இப்படத்தை பெரும்பொருட் செலவில் தயாரித்துள்ளார். இன்று வெளிவந்துள்ள ஓம் நமோ வெங்கடேஷ்யா படத்தின் டிரைலர் ரசிகர்களிடம் மிகுந்த வரவேற்பைப் பெற்று வருகின்றது. டிரைலரில் பின்னணி இசையும் விஷுவல் எஃபெக்ட்ஸும் குறிப்பிட்டுச் சொல்லும்படி அமைந்துள்ளன.

• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...
• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்

• 
  10 வருடங்களுக்கு பிறகு ஜூனியர் என்டிஆர் பட இயக்குனர் - ஒளிப்பதிவாளர் ...
• 
  ஜன கன மன 2 எப்போது? - இயக்குனர் தகவல்
• 
  25 நாட்களில் 150 கோடி வசூலித்த ஆடுஜீவிதம்
• 
  பிரபல இயக்குனரின் வீட்டில் திருடப்பட்ட நகைகள் ஒரேநாளில் மீட்பு
• 
  'எல்360' படப்பிடிப்பு ஆரம்பம்