மகள் திருமணத்தில் பிசியான ஷங்கர் | மீண்டும் வெளியாகிறது 'அஞ்சான்' | விடுதலைபுலி இயக்கத்தின் அடுத்தகட்ட தலைவர்கள் பற்றிய படம் | பிளாஷ்பேக்: நம்பியாருக்கு பொருத்தமான ஜோடியாக வலம் வந்த டி.கே.சரஸ்வதி | வைப் குமாரில் விஷ்ணு விஷாலுக்கு ஜோடியாக அதிதி ஷங்கர் | அமெரிக்காவில் பைக் விபத்தில் காயம் அடைந்த அனுஷ்கா பட ஹீரோ | சித்தார்த்-அதிதி ராவ்-க்கு நயன்தாரா வாழ்த்து | துபாய் மியூசியத்தில் தனது மெழுகுசிலையுடன் போஸ் கொடுத்த அல்லு அர்ஜுன் | சீரியல் நடிகை அக்ஷிதாவிற்கு நடந்து முடிந்த நிச்சயதார்த்தம்! | என்ன கமெண்ட் இதெல்லாம்? கடுப்பான ரோபோ சங்கர் மருமகன் |
விக்ரம் நடிப்பில் கெளதம்மேனன் இயக்கும் படம் துருவ நட்சத்திரம். கடந்த சில ஆண்டுகளாக தொடர்ந்து சறுக்கல்களை சந்தித்து வரும் விக்ரம் இந்த படத்தை பெரிதாக எதிர்பார்க்கிறார். அதன்காரணமாகதான் ஹரி, விஜய சந்தர் போன்ற இயக்குனர்களின் படங்களில் நடித்தபோதும் இந்த படத்திற்கு கூடுதல் முக்கியத்துவம் கொடுக்கிறார் விக்ரம். மேலும், இந்த படத்தில் விக்ரமிற்கு ஜோடியாக எப்படியேனும் நயன்தாராவை நடிக்க வைத்து விட வேண்டும் என்பது கெளதம்மேனனின் விருப்பமாக இருந்தது.
அதனால், தொடர்ந்து அவரிடம் பேச்சுவார்த்தை நடத்தி வந்தார். ஆனால், தற்போது பல படங்களில் கதையின் நாயகியாக நடித்து வரும் நயன்தாரா, இந்த படத்தில் நடிக்க ஒரு பெரிய தொகையை சம்பளமாக கேட்டாராம். ஆனால் அவர் கேட்ட தொகையை கொடுத்தால் பட்ஜெட் தாங்காது என்று தயாரிப்பு தரப்பு கூறுகிறதாம். அதனால், ஜனவரி 2-ந்தேதியே குன்னூரில் துருவ நட் சத்திரம் படப்பிடிப்பை நடத்தயிருந்த கெளதம்மேனன், தொடர்ந்து நயன்தாராவின் சம்பளத்தை குறைக்கும் பேச்சுவார்த்தையில் இறங்கியும் பலன் கிடைக்க வில்லை. அதனால் இப்போது நயன்தாராவை மறந்து விட்டு மணிரத்னத்தின் காற்று வெளியிடை படத்தில் கார்த்திக்கு ஜோடியாக நடித்து வரும் அதிதி ராவ் ஹைதரியை ஒப்பந்தம் செய்துள்ளார் கெளதம்மேனன்.
இதையடுத்து நயன்தாராவுக்காக ஒரு வாரமாக படப்பிடிப்பை நடத்தாமல் தாமதம் செய்து வந்த கெளதம்மேனன், நேற்று முதல் துருவ நட்சத்திரம் படப்பிடிப்பை குன்னூரில் தொடங்கி விட்டார். தொடர்ந்து 10 நாட்கள் அங்கு படப்பிடிப்பு நடைபெறுகிறது. இதில் விக்ரமுடன் அதிதிராவ் ஹைதரி நடிக்கும் காட்சிகளும் படமாக்கப்படுகிறது.