மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' | மகள் திருமணத்தில் பிசியான ஷங்கர் | மீண்டும் வெளியாகிறது 'அஞ்சான்' | விடுதலைபுலி இயக்கத்தின் அடுத்தகட்ட தலைவர்கள் பற்றிய படம் | பிளாஷ்பேக்: நம்பியாருக்கு பொருத்தமான ஜோடியாக வலம் வந்த டி.கே.சரஸ்வதி |
2017ம் ஆண்டின் முதல் பிரம்மாண்ட வெளியீடாக 'பைரவா' படம் இந்த பொங்கலுக்கு வெளியாக உள்ளது. பொங்கலுக்கு இரண்டு நாட்களுக்கு முன்னதாகவே படத்தை வெளியிட்டு 5 நாட்களில் படத்தின் மொத்த வசூலையும் அள்ள திட்டமிட்டுள்ளார்கள். விஜய் படம் என்றாலே முதல் நாளில் எப்போதுமே சரியான ஓபனிங் இருக்கும். அதனால்தான் இரண்டு நாட்கள் முன்னதாக படத்தை வெளியிட்டு விஜய் ரசிகர்களை முதல் இரண்டு நாட்களில் படத்தைப் பார்க்க வழி செய்துள்ளார்களாம்.
சனி, ஞாயிறு, திங்கள் விடுமுறை நாட்கள் என்பதால் மற்ற ரசிகர்கள் படத்தைப் பார்க்க வசதி செய்துள்ளார்கள். தமிழ்நாடு முழுவதும் உள்ள சுமார் 450 தியேட்டர்களில் 'பைரவா' படம் வெளியாக உள்ளது. சிறிய ஊர்களில் கூட படத்தை வெளியிட உள்ளார்கள். அதனால், முதல் 5 நாட்களிலேயே அதிகமான பேர் படத்தைப் பார்க்கக் கூடிய வாய்ப்பு ஏற்படும். விஜய்யின் முந்தைய படங்கள் முதல் சில நாட்களில் சராசரியாக 11 கோடி ரூபாய் வரை வசூலித்துவிடும். மேலும், இந்தப் படத்தை உலகம் முழுவதும் 55 நாடுகளில் வெளியிட உள்ளதால் வெளிநாட்டு வசூலும் இதுவரை இல்லாத அளவிற்கு அதிகம் இருக்கும் என்கிறார்கள்.
எப்படியும் முதல் 5 நாட்கள் வசூல் சராசரியாக ஒரு நாளைக்கு 15 கோடி வந்தால் கூட 5 நாட்களில் 75 கோடி ரூபாய் வரை வசூலிக்க முடியும் என்கிறார்கள். இந்தக் கணக்கு எப்படியும் ஏமாற்ற வாய்ப்பில்லை என்றே கோலிவுட்டிலும் சொல்கிறார்கள். இப்படி ஒரு வசூல் வந்தால் விஜய் நடித்து வெளிவந்த படங்களிலேயே 'பைரவா' படத்தின் வசூல் புதிய சாதனையைப் படைக்கவும் வாய்ப்புள்ளது.