ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
2016ம் ஆண்டைப் போலவே 2017ம் ஆண்டிலும் அதிகப் படங்களில் நடித்தவர் என்ற பெருமை விஜய் சேதுபதிக்குத்தான் கிடைக்கப் போகிறது. இந்த ஆண்டில் இவருடைய முதல் வெளியீடாக பொங்கலுக்கு 'புரியாத புதிர்' வெளியாக உள்ளது. நீண்ட நாட்களாகவே கிடப்பில் இருந்த இந்தப் படத்திற்கு இப்போதுதான் விடிவு காலம் பிறந்துள்ளது. இனியும் தள்ளிப் போடாமல் படத்தை வெளியிட்டால் அது படத்திற்கே நல்லது.
“கவண், விக்ரம் வேதா, அநீதிக் கதைகள், 96, கருப்பன்” ஆகிய படங்கள் விஜய் சேதுபதி நடிப்பில் தற்போது உருவாக்கத்தில் இருக்கும் படங்கள். இவற்றில் 'கவண்' படம் மார்ச் மாதம் வெளியாக உள்ளது. தியாகராஜன் குமாரராஜா இயக்கும் 'அநீதிக் கதைகள்' படத்தின் படப்பிடிப்பு ஏற்கெனவே ஆரம்பமாகிவிட்டது. '96, கருப்பன்' ஆகிய படங்களின் படப்பிடிப்பு இனிமேல்தான் ஆரம்பமாக வேண்டும். அறிமுக இயக்குனர் பிரேம் '96' படத்தை இயக்குகிறார். இந்தப் படத்தில் த்ரிஷா, விஜய் சேதுபதி ஜோடியாக நடிக்க உள்ளார். 'கருப்பன்' படத்தை 'ரேணிகுண்டா' படத்தை இயக்கிய பன்னீர் செல்வம் இயக்க உள்ளார்.
இதனிடையே, புஷ்கர் காயத்ரி இயக்கத்தில் மாதவன், விஜய் சேதபதி மற்றும் பலர் நடிக்கும் 'விக்ரம் வேதா' படத்திற்கான தன்னுடைய பகுதி படப்பிடிப்பை விஜய் சேதுபதி முடித்துவிட்டார். இந்தப் படத்தில் ஒரு தாதா கதாபாத்திரத்தில் விஜய் சேதுபதி நடிக்கிறார். புதிய ஆண்டில் விஜய் சேதுபதி நடித்து முடித்துள்ள முதல் படம் இது.
இந்தப் படங்கள் மட்டுமல்லாது விஜய் சேதபதி நடித்துள்ள 'இடம் பொருள் ஏவல்' படம் இன்னும் வெளிவராமல் அப்படியே முடங்கியுள்ளது. இந்தப் படத்தைத் தயாரித்த இயக்குனர் லிங்குசாமி, இந்தப் படத்தை வெளியிட எந்த முயற்சியும் எடுக்கவில்லை என படக்குழுவினர்களே வருத்தத்தில் உள்ளார்கள்.
தனுஷுடன் விஜய் சேதுபதி நடிப்பதாகச் சொல்லப்பட்ட 'வட சென்னை' படத்திலிருந்து விஜய் சேதுபதி விலகிவிட்டார் என்றும் தகவல் வெளியாகியுள்ளது. தனுஷே 'வட சென்னை' படத்தை தள்ளி வைத்துவிட்டு மற்ற படங்களில் கவனம் செலுத்தும் போது, மற்ற படங்களில் நடிப்பது பாதிக்கப்படுகிறது என விஜய் சேதுபதி விலகிவிட்டார் என்கிறார்கள்.
பொங்கலுக்கு வெளிவரும் 'புரியாத புதிர்' விஜய் சேதுபதியின் வெற்றிக் கணக்கை ஆரம்பித்து வைக்குமா ? என்பதுதான் இப்போதைகய எதிர்பார்ப்பாக உள்ளது.