Dinamalar

கலாபவன் மணியின் வாழ்க்கையை படமாக்குகிறார் வினயன்..!

மறைந்த மலையாள நடிகர் கலாபவன் மணியின் வாழ்க்கையை படமாக எடுக்க இருப்பதாக அறிவித்துள்ளார் மலையாள இயக்குனர் வினயன். கலாபவன் மணியின் திறமையை உலகுக்கு அறிமுகப்படுத்தியதில் இயக்குனர் வினயனின் பங்கு மிக முக்கியமானது. மற்ற எந்த இயக்குனரை விடவும், இவர் மட்டுமே கலாபவன் மணியை வைத்து 13 படங்கள் இயக்கியுள்ளார். வசந்தியும் லட்சுமியும் பின்னே ஞானும் (தமிழில் 'காசி'), ராட்சஸ ராஜாவு, கருமாடி குட்டன் என இவரது படங்களில் தான் கலாபவன் மணிக்கு தனது நடிப்பு பசியை போக்கிக்கொள்ளும் கதாபாத்திரங்கள் கிடைத்தன.

தற்போது கலாபவன் மணியின் வாழ்க்கையை படமாக எடுத்து தனது சிஷ்யனை கௌரவப்படுத்தும் அதே நேரத்தில் இந்தப்படம் மூலம் சிலருக்கு பதிலடி கொடுக்கவும் திட்டம் வைத்துள்ளாராம். காரணம் கலாபவன் மணி மறைந்த சில நாட்கள் கழித்து கலாபவன் மணிக்கு நடைபெற்ற இரங்கல் கூட்டத்திற்கு வினயனுக்கு அழைப்பு விடுக்காமல் புறக்கணித்ததில் சில முன்னணி நடிகர்களுக்கு பங்கு உண்டு என வினயன் கடுமையாக குற்றம் சாட்டியிருந்தார்.

இப்போது கலாபவன் மணி மீது பாசத்தை பொழியும் இந்த முன்னணி நடிகர்கள், உண்மையில் அவரை ஆரம்ப காலத்தில் எவ்வாறு நடத்தினார்கள் என்கிற விஷயத்தையும் இந்தப்படத்தில் காட்சிப்படுத்துவார் என்கிற பரபரப்பையும் அவரை சுற்றியுள்ளவர்கள் பரப்பி வருகிறார்கள்.. கலாபவன் மணி கதாபாத்திரத்தில் நடிக்கப்போகும் நடிகர் என்பதை கூடிய விரைவிலேயே அறிவிக்க இருக்கிறாராம் வினயன்.

• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா
• 
  ஜெகபதி பாபுவிற்கு சல்மான்கான் சொன்ன அட்வைஸ்
• 
  வித்யாபாலனின் காதல் தோல்வி : அவரே வெளியிட்ட தகவல்
• 
  சல்மான்கான் வீடு மீது துப்பாக்கிச்சூடு
• 
  காதலை உறுதிப்படுத்திய ஜான்வி கபூர்

• 
  தக் லைப் படத்தின் மூலம் இணையும் சிம்பு, துல்கர் சல்மான், ஜெயம் ரவி
• 
  ரீ-ரிலீஸ் ஆகும் ராவணன்
• 
  ரஜினி மகளாக நடிக்கும் ஸ்ருதிஹாசன்
• 
  ஸ்ரீவள்ளி 2.0 ஆக என்னை பார்ப்பீர்கள் : ராஷ்மிகா நம்பிக்கை
• 
  எழுத்தாளரான இயக்குனர்