'மார்க் ஆண்டனி' வெற்றியைத் தக்க வைப்பாரா 'ரத்னம்'? | 'விக்ரம், லியோ, கூலி' - டைட்டில் டீசர் வீடியோ, எது பெஸ்ட்? | 10 வருடங்களுக்கு பிறகு ஜூனியர் என்டிஆர் பட இயக்குனர் - ஒளிப்பதிவாளர் பரஸ்பரம் குற்றச்சாட்டு | ஜன கன மன 2 எப்போது? - இயக்குனர் தகவல் | ஆவேசம் படத்துக்கு சமந்தா பாராட்டு | சிறிய படங்களை நசுக்குகிறதா ரீ-ரிலீஸ் படங்கள்? | சைக்கிளில் சென்று ஓட்டு போட்டது ஏன் : விஷால் | அயோத்தியில் இடம் வாங்கிய அமிதாப்பச்சன் | இயக்குனர் 'பசி' துரை மறைவு | சினிமாவில் வளர திறமை மட்டுமே போதாது : பரிணிதி சோப்ரா |
சமீபகாலமாக தொலைக்காட்சி நிகழ்ச்சிகளை கலாய்ப்பது சினிமாக்களில் அதிகரித்து வருகிறது. குறிப்பாக, ஜீ தமிழ் சேனலில் நடிகை லட்சுமி ராமகிருஷ்ணன் நடத்தி வரும் சொல்வதெல்லாம் உண்மை நிகழ்ச்சியில் அவர் அடிக்கடி சொல்லும், என்னம்மா இப்படி பண்றீங்களேம்மா -என்ற வார்த்தை வைத்து விஜய் டிவியின் அது இது எது நிகழ்ச்சியில் அவரை கலாய்த்தனர். முதலில் அதை பொறுத்துக்கொண்ட லட்சுமி ராமகிருஷ்ணன், அதே எபிசோடு அவர்கள் மீண்டும் ஒளிபரப்பியபோது செம டென்சனாகி விட்டார். விஜய் டிவிக்கு எதிராக குரல் கொடுத்தார்.
ஆனால் அதன்பிறகு, அவரை சினிமாக்களில் கலாய்ப்பது தொடர்ந்து வருகிறது. ஜி.வி.பிரகாஷ் நடித்த கடவுள் இருக்கான் குமாரு படத்திலும் கலாய்த்தனர். அப்போதும் எதிர்ப்பு தெரிவித்தார் லட்சுமி ராமகிருஷ்ணன். இந்த நிலையில், தற்போது ஜெய் நடிப்பில் உருவாகியுள்ள எனக்கு வாய்த்த அடிமைகள் படத்தில் இடம்பெற்றுள்ள ஒரு பாடல் காட்சியில், ஜெய், ஜீ சேனல்களின் நிகழ்ச்சிகளை கலாய்த்துள்ளனர். சொல்வதெல்லாம் உண்மை என்பதற்கு பதிலாக சொல்ற தெல்லாம் கேட்கிறதில்ல, அது இது எது என்பதை அது இது தூ -என்றும், நாட்டு நடப்பு என்கிற பெயரில் அனைத்து மீடியாக்களிலுமே பிரபலங்கள் அமர்ந்து காரசாரமாக பேசுவதை, பேசியே சாவுங்கடா என்று குறிப்பிட்டுள்ளனர்.
இதுபற்றி அப்பட டைரக்டர் மகேந்திரன் ராஜாமணி கூறுகையில், இந்த படம் நண்பனின் காதலுக்காக போராடும் நண்பர்களைப்பற்றிய கதையில் உருவாகியுள்ளது. அவர்களது பிரச்சினை ரசிகர்களுக்கு காமெடியாக இருக்கும். அப்போது வரும் பாடல் காட்சியில்தான் ஒரு ஜாலிக்காக மீடியா நிகழ்ச்சிகளை வேறு தலைப்புகளில் குறிப்பிட்டிருக்கிறோம். ஆனால் இது யாரையும் கலாய்ப்பது போல் இருக்காது. படத்தில் நடித்திருப்பவர்களை கலாய்ப்பது போல்தான் இருக்கும் என்கிறார்.