Dinamalar

பைரவா பாடல் வெளியீட்டு விழா ரத்து ஏன்? தயாரிப்பாளர் அறிக்கை

விஜய், கீர்த்தி சுரேஷ், ஜெகபதிபாபு, டேனியல் பாலாஜி, தம்பி ராமய்யா நடித்துள்ள படம் பைரவா. அழகிய தமிழ் மகன் படத்தை இயக்கிய பரதன் இயக்கி உள்ளார். சந்தோஷ் நாராயணன் இசை அமைத்துள்ளார். வைரமுத்து பாடல்களை எழுதியுள்ளார். சுகுமார் ஒளிப்பதிவு செய்துள்ளார். பழம்பெரும் தயாரிப்பு நிறுவனமான விஜயா புரொடக்ஷன் தயாரித்துள்ளது. படம் பொங்கல் பண்டிகையன்று வெளியாகிறது. அதற்கு முன்னதாக பைரவா படத்தின் பாடல்களை பிரமாண்ட விழா நடத்தி வெளியிட தயாரிப்பு நிறுவனம் முடிவு செய்திருந்தது. இப்போது விழா ரத்து செய்யப்பட்டுவிட்டது. இது தொடர்பாக தயாரிப்பாளர்கள் பி.வெங்கட்ராம ரெட்டி, பி.பாரதிரெட்டி ஆகியோர் விடுத்துள்ள அறிக்கை வருமாறு:

பைரவா இசை வெளியீட்டு விழாவை படு விமரிசையாக நடத்த எண்ணியிருந்தோம். இந்நிலையில் தமிழக முதல்வர் அவர்களின் எதிர்பாராத இழப்பால் இவ்விழா கைவிடப்பட்டுள்ளது. காரணம், எங்களுடைய விஜயா புரொடக்ஷன்ஸ் நிறுவனத்தின் தயாரிப்பில் நம் நாடு திரைப்படத்தில் அவர் நடித்தார். அதோடு மட்டுமல்லாமல், எங்களுடைய குடும்பத்தில் ஒருவராக அவர்களை மதித்து வந்தோம். அவருடைய இழப்பின் காரணமாக பைரவா இசைவெளியீட்டு விழாவை ரத்து செய்துவிட்டோம்.

அதோடு, இளைய தளபதி விஜய் அவர்களும் மேற்கண்ட காரணத்திற்காக இசைவெளியீட்டை பிரமாண்ட விழாவாக நடத்த வேண்டாம் என கேட்டுக் கொண்டார். அதனால், எளிமையான முறையில் வரும் 23 ஆம் தேதி பாடல்களை உலகெங்கும் நேரடியாக வெளியிட திட்டமிட்டுள்ளோம்.. இவ்வாறு அந்த அறிக்கையில் தெரிவித்துள்ளனர்.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  அரசியல் கட்சித் தலைவராக இருந்து விஜய் செய்தது சரியா ?
• 
  மோகன்லாலுடன் 56வது முறையாக ஜோடி சேரும் ஷோபனா
• 
  'பிரேமலு 2' அறிவிப்பு : 2025ல் வெளியாகும்…
• 
  'ரோமியோ' படத்தை 'அன்பே சிவம்' படத்துடன் ஒப்பிட்ட விஜய் ஆண்டனி
• 
  ஓட்டு கூட போடாத திரைப்பிரபலங்கள்...!