ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
கே.பாலசந்தர் இயக்கிய புதுப்புது அர்த்தங்கள் படத்தில் அறிமுகமானவர் கேரளத்து நடிகை சித்தாரா. அதன்பிறகு விக்ரமனின் புது வசந்தம் படத்தில் நடித்து பெரிய அளவில் பிரபலமானவர். புரியாத புதிர், அர்ச்சனா ஐஏஎஸ் உள்பட பல படங்களில் நாயகியாக நடித்தார். அதையடுத்து படையப்பாவில் தங்கை வேடத்தில் நடித்தவர், கேரக்டர் நடிகையாக உருவெடுத்து தென்னிந்திய மொழிகளில் நடித்து வருகிறார். கடைசியாக தமிழில், பூஜை படத்தில் நடித்தவர் தெலுங்கில் ஜனதா கேரேஜ் படத்திலும் நடித்திருந்தார்.
இந்த நிலையில், தற்போது அவர் நாகேஷ் திரையரங்கம் என்ற படத்தில் ஹீரோஆரிக்கு அம்மாவாக நடித்துக்கொண்டிருக்கிறார். காதல் கதையில் உருவாகும் இந்த படத்தில் அம்மா- மகன் சம்பந்தப்பட்ட செண்டிமென்ட் காட்சிகளும் நிறைய உள்ளதாம். அதனால், சில காட்சிகளில் கண்கலங்க வைக்கும்படியாக உணர்வுப்பூர்வமாக நடித்துள்ள சித்தாராவுக்கு இந்த படம் வெளியாகும்போது அம்மா வேடங்களில் நடிக்க அதிகமான வாய்ப்பு கிடைக்கும் என்கிறார்கள். ஆக, சமீபகாலமாக அம்மா வேடங்களில் நடித்து வரும் ராதிகா, ஊர்வசி, ரம்யா கிருஷ்ணன், நதியா போன்ற மாஜி ஹீரோயினிகள் பட்டியலில் சித்தாராவும் இணைந்துள்ளார்.