பாண்டிராஜ் இயக்கத்தில் விஜய் சேதுபதி? | விக்ரம் படத்தில் இணைந்த மற்றொரு மலையாள நடிகர் | கள்ளழரை அருகில் கண்ட பேரானந்தத்தில் சூரி | ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா | 10 மில்லியன் பார்வையாளர்களை கடந்த ‛இனிமேல்' ஆல்பம் | டில்லியில் தக்லைப் படக்குழு : கமல் - சிம்பு - கவுதம் கார்த்திக் பங்கேற்பு | கார் விபத்து வழக்கு - நீதிமன்றத்தில் ஆஜரான யாஷிகா | 'கல்கி'யில் அஸ்வத்தாமாவாக நடிக்கும் அமிதாப் | மீண்டும் பிஸியாகிறார் நித்தி அகர்வால் | 'குரங்கு பெடல்' 80ஸ் கிட்ஸின் கதை : கமலக்கண்ணன் |
தென்னிந்திய நடிகர் சங்கத்தின் 63வது பொதுக்குழு நேற்று கூடியது. அடிதடி கலாட்டாக்களுடன் சங்க கூட்டம் நடந்தாலும் சரத்குமார், ராதாரவி உள்ளிட்ட நிரந்தரமாக நீக்கப்பட்டது உள்ளிட்ட பல முக்கிய தீர்மானங்கள், உறுப்பினர்களின் ஆதரவுடன் நிறைவேற்றப்பட்டன. அதன் முழுவிபரங்கள் வருமாறு:
* பல்வேறு முறைகேடுகளில் ஈடுபட்டும் அதுபற்றி கேட்டதற்கு எந்த விளக்கமும் அளிக்காமல் இருக்கும் சங்கத்தின் முன்னாள் நிர்வாகிகள், சரத்குமார், ராதாரவி ஆகியோர் செயற்குழுவால் தற்காலிக நீக்கம் செய்யப்பட்டிருந்தனர். அவர்கள் நிரந்தரமாக நீக்கப்படுகிறார்கள்.
* சங்க உறுப்பினர்களுக்கான ஓய்வுதியத்தை உயர்த்துவதோடு வயது வரம்பும் தளர்த்தப்படுகிறது.
* சங்கத்தோடு எந்த தொடர்பும் இல்லாத 67 உறுப்பினர்களுக்கு அவர்கள் தங்கள் உறுப்பினர் அட்டையை புதுபிக்க கடைசி வாய்ப்பாக பத்திரிக்கை விளம்பரம் கொடுப்பது. அதன் பிறகும் அவர்கள் புதுப்பிக்கவில்லை என்றால் சங்கத்தை விட்டு நீக்குவது.
* சங்கத்திற்கு புதிய கட்டம் கட்ட அனைத்து ஏற்பாடுகளும் செய்யப்பட்டு வருகிறது. சிம்டிஏ அனுமதி கிடைத்ததும். டெண்டர் விடப்பட்டு கட்டிட பணி தொடங்கப்படும். 3 ஆண்டு காலத்திற்குள் கட்டிடம் முழுமையாக கட்டப்பட்டு பயன்பாட்டுக்கு கொண்டு வருவது.
* சங்க அறக்கட்டளை விதிமுறையில் திருத்தம் செய்து தங்களை நிரந்தர அறங்காவலர்களாக நியமித்துக் கொண்ட முன்னாள் தலைவர் சரத்குமார், பொதுச்செயலாளர் ராதாரவி ஆகியோரை அறக்கட்டளையிலிருந்து நீக்குவது.
* சங்கத்தில் முறைகேட்டில் ஈடுபட்டவர்கள், சங்க விதிகளுக்கு முரணாகவும், எதிராகவும் நடப்பவர்கள் மீது சட்ட ரீதியான நடவடிக்கை எடுப்பது.
* தற்போது சங்கத்தில் 8.5 கோடி ரூபாய் இருப்பில் உள்ளது. மேலும் நிதி திரட்ட திரைப்படம் தயாரிப்பது உள்ளிட்ட பல்வேறு வழிகளில் முயற்சிப்பது.
இவ்வாறு தீர்மானங்கள் நிறைவேற்றப்பட்டது.