Dinamalar

வறுமையில் வாடும் சந்திரபோஸ் மனைவிக்கு விஷால் உதவி

பிரபல இசையமைப்பாளர் சந்திரபோஸ். சிவாஜிகணேசன், ரஜினிகாந்த் போன்ற பெரிய நடிகர்களின் படங்களுக்கு இசை அமைத்தவர். ஆரம்ப காலத்தில் இசையமைப்பாளர் தேவாவுடன் இணைந்து இசை நிகழ்ச்சிகள் நடத்தி வந்தார். பிறகு 1977ம் ஆண்டு இயக்குநர் வி.சி. குகநாதனின் இயக்கத்தில் வெளியான மதுரகீதம் படத்தின் மூலம் திரையுலகில் அறிமுகமானார். எம். எஸ். விஸ்வநாதன் இசையில் ஆறு புஷ்பங்கள் படத்தில் சந்திரபோஸ் பாடிய "ஏண்டி முத்தம்மா..." என்ற பாடலை மறக்கவே முடியாது.

இவர் இசையமைத்த “மச்சானைப் பார்த்தீங்களா படத்தில் இடம்பெற்ற “மாம்பூவே சிறு மைனாவே பாடல் என்றும் நினைவில் நிற்கும் பாடலாகும். இதைத் தொடர்ந்து ரஜினிகாந்தின் “மனிதன், “ஊர்க்காவலன், “ராஜா சின்ன ரோஜா” சத்யராஜ் நடித்த”அண்ணா நகர் முதல் தெரு, உள்ளிட்ட நூற்றுக்கும் மேற்பட்ட படங்களுக்கு இசையமைத்தார்.

பிறகு இசையமைக்கும் வாய்ப்பு குறைந்துவிடவே டிவி சீரியல்களில் நடித்து வந்தார். இதற்கிடையே உறவினர் தயாரித்த திரைப்படத்துக்கு பைனான்ஸ் செய்தார். அந்த படம் தோல்வி அடைந்தது. இதனால் பெரும் பொருளாதார இழப்பை சந்தித்தார். கடந்த 2010ம் ஆண்டு செப்டம்பர் 30ம் தேதி சந்திரபோஸ் இறந்தார். இவருக்கு இராஜகுமாரி, கீதா என்ற இரு மனைவிகளும், சந்தோஷ்,வினோத் சந்தர் என்ற இரு மகன்களும், கௌரி என்ற மகளும் உள்ளனர்.

இன்று சந்திரபோஸின் குடும்பம் பத்துக்கு பத்து வீட்டில் மிக வறுமையில் வாடுகிறது. அவரது மனைவி ராஜகுமாரி, வீட்டு வேலை செய்து வாழ்க்கையை ஓட்டி வருகிறார். இந்த செய்தி பத்திரிக்கைகளில் வெளியானது. இதனை கேள்விப்பட்ட தென்னிந்திய நடிகர் சங்கத் பொதுச்செயலாளர் விஷால் சந்திரபோஸ் மனைவி ராஜேஸ்வரியை அழைத்து பேசி தனது தேவி அறக்கட்டளை மூலம் அவருக்கு குடும்ப நல நிதி உதவி வழங்கினார். சந்திரபோஸ் மனைவி கண்ணீர் மல்க விஷாலுக்கு நன்றி தெரிவித்தார்.

• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...
• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்

• 
  கார் விபத்து வழக்கு - நீதிமன்றத்தில் ஆஜரான யாஷிகா
• 
  'கல்கி'யில் அஸ்வத்தாமாவாக நடிக்கும் அமிதாப்
• 
  மீண்டும் பிஸியாகிறார் நித்தி அகர்வால்
• 
  'குரங்கு பெடல்' 80ஸ் கிட்ஸின் கதை : கமலக்கண்ணன்
• 
  மே 17ல் வருகிறார் சத்யபாமா