சந்தானத்தின் இங்க நான் தான் கிங்கு படம் மே 10 ல் ரிலீஸ் | பைக் டாக்சி ஓட்டுனராக நடிக்கும் நக்ஷா சரண் | எழுத்தாளராக நடிக்கும் வெற்றி | ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி | அரசியல்வாதிகள் நல்லது செய்தால் நடிகர்கள் அரசியலுக்கு வரமாட்டார்கள் : விஷால் | பிளாஷ்பேக்: நடிகையை திருமணம் செய்த முதல் இயக்குனர் | அன்பே வா சீரியல் நடிகருக்கு திருமணம் | எதிர்நீச்சல் நடிகையின் ஜாலி டூர் கிளிக்ஸ் | நடன பள்ளி தொடங்கிய காயத்ரி - யுவராஜ் | தேர்தல் விதி மீறல் : விஜய் மீது சென்னை கமிஷனர் அலுவலகத்தில் புகார் |
பிரபல மலையாள இயக்குநர் லோகிததாஸின் சிஷ்யரும், இலக்கியவாதியுமான மீரா கதிரவன் இயக்கிய முதல் படம் - 'அவள் பெயர் தமிழரசி'. வணிகரீதியில் தோல்வியடைந்தாலும் விமர்சகர்களால் பாராட்டப்பட்டது இந்தப்படம். நீண்ட இடைவெளிக்குப் பிறகு மீரா கதிரவன் இயக்கி வரும் படம் 'விழித்திரு'. கிருஷ்ணா, விதார்த், வெங்கட் பிரபு, தம்பி ராமையா, எஸ்.பி.பி.சரண், தன்ஷிகா, அபிநயா, ராகுல் பாஸ்கரன், எரிக்கா ஃபெர்ணாண்டஸ், பேபி சாரா, சுதா சந்திரன் என மிகப்பெரிய நட்சத்திர பட்டாளமே இந்தப் படத்தில் நடித்துள்ளனர்.
நட்சத்திரங்களின் எண்ணிக்கை அதிகமானதால் படத்தின் பட்ஜெட்டும் எகிறிவிட்டது. யெஸ்.. விழித்திரு படத்தின் பட்ஜெட் 4.5 கோடியாம். பல மாதங்கள் கிடப்பில் கிடந்ததால் வட்டியும் சேர்ந்து கொள்ள சுமார் 6 கோடியை தொட்டுவிட்டது பட்ஜெட். இந்த படத்திற்கு அறிமுக இசை அமைப்பாளர் சத்யன் மகாலிங்கம் என்பவர் இசை அமைக்கிறார்.
இந்த படத்தில் புத்தாண்டு கொண்டாட்டத்தின்போது பாடக் கூடிய வகையில் ஒரு பாடல் இடம் பெறுகிறது. STAY AWAKE என்று துவங்கும் இந்த பாடலை 25-11-16 அன்று துபாயில் நடைபெறவிருக்கும் அபிராமி ராமநாதனின் 'அபிராமி மெகாமால் விருது' வழங்கும் விழாவில் வெளியிடவிருக்கின்றனர். இதற்காக 'விழித்திரு' படக்குழுவின் துபாய் பயணமாகியுள்ளனர். அனேகமாக 'விழித்திரு' படத்தை அபிராமி ராமநாதன் வெளியிட வாய்ப்பிருக்கிறது என்று பேசிக்கொள்கிறார்கள். இந்த படம் அடுத்த மாதம் திரைக்கு வரவிருக்கிறது.