Dinamalar

பிளாஷ்பேக்: ரஜினிக்கு ரெட் கார்ட் போட்ட சங்கம்

1993ம் ஆண்டு... அப்போது விநியோகஸ்தர்கள் சங்கம் பவர்புல்லாக இருந்தது. சங்கம் நினைத்தால் எந்த படத்தையும் தடுக்க முடியும், எந்த நடிகரையும் நடிக்கவிடாமல் செய்ய முடியும். அந்த நேரத்தில் நடிகர்கள் தங்கள் சம்பளத்தை குறைக்க வேண்டும் என்று கூறி வேலை நிறுத்தம் அறிவித்தது விநியோகஸ்தர்கள் சங்கம். இதனால் எந்த நடிகரும் சம்பளத்தை குறைக்க முன்வரவில்லை. எந்த படப்பிடிப்பும் நடக்கவில்லை. ஒரே ஒரு படத்தின் படப்பிடிப்பு மட்டும் நடந்தது. அது ரஜினி நடித்த உழைப்பாளி.

"என் உழைப்புக்கான சம்பளத்தை நான்தான் நிர்ணயிப்பேன். இவர்கள் யார் அதை நிர்ணயம் செய்வதற்கு?" என்று ரஜினி கேள்வி எழுப்பினார். படத்தை நிறுத்த பல முயற்சிகள் நடந்தது. ஆனால் 58 நாளில் படத்தை முடித்தார் ரஜினி. விநியோகஸ்தர்கள் சங்கம் ரஜினிக்கு ரெட்கார்ட் போட்டது. படத்தை வெளியிட தியேட்டர்களுக்கு தடைபோட்டது. ஆனால் ரஜினி "என் பின்னால் வருகிறவர்கள் வாருங்கள்" என அழைத்தார். சில தியேட்டர் அதிபர்கள் வந்தார்கள். அவர்கள் மூலம் படத்தை வெளியிட்டார். படம் 100 நாட்கள் ஓடியது. மதுரையில் 150 நாள் ஓடியது. பின்னர் ரஜினியிடம் மன்னிப்பு கேட்டது சங்கம். பிரச்சினை சுமூகமாக தீர்ந்தது.

உழைப்பாளி படத்தில் ரஜினியுடன் ரோஜா, ஸ்ரீவித்யா, சுஜாதா, ராதாரவி, நிழல்கள்ரவி, எஸ்எஸ் சந்திரன் உள்ளிட்ட பலர் நடித்திருந்தனர் விஜயா கம்பைன்ஸ் சார்பில் வெங்கட்ராம ரெட்டி தயாரித்திருந்தார். பி.வாசு இயக்கி இருந்தார். இளையராஜா இசை அமைத்திருந்தார்.

• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா

• 
  'ஆதிசக்தி' : புதிய பயணத்தை துவங்கிய சம்யுக்தா
• 
  ரீ-ரிலீஸ் ஆகும் ‛மங்காத்தா'
• 
  மகாபாரத கதையை 2 பாகங்களாக இயக்கும் லிங்குசாமி
• 
  இன்ஸ்டா கணக்கு நீக்கம் : யுவன் விளக்கம்
• 
  விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் ...