Dinamalar

ஹிந்தியில் அசத்தும் இளையராஜாவின் ரி-க்ரியேஷன் பாடல்

இளையராஜாவின் இசை இந்தக் காலத்திற்குப் பொருத்தமாக இருக்காது என சில ஞான சூன்யங்கள் சொல்லிக் கொண்டு திரிகின்றன. இளையராஜாவின் இசை உணர்வோடு கலந்த ஒரு இசை, திரையில் நாம் பார்க்கும் கதாபாத்திரங்களை அப்படியே நமக்குள்ளும் கலக்கும்படியான ஒரு இசை என்பதை அனுபவித்துப் பார்த்தவர்களுக்குத்தான் புரியும்.

ஷாரூக்கான, ஆலியா பட் மற்றும் பலர் நடிக்கும் 'டியர் ஜிந்தகி' படம் நாளை உலகம் முழுவதும் வெளியாகிறது. ஸ்ரீதேவி நடித்த 'இங்கிலீஷ் விங்கிலீஷ்' படத்தை இயக்கிய கௌரி ஷிண்டே இயக்கியிருக்கும் படம் இது. இந்தப் படத்தில் ஷாரூக்குக்கும், ஆலியாவிற்கும் இடையில் என்ன இருக்கிறது என்பதை இளையராஜாவின் இசையில் வெளிவந்த சூப்பர் ஹிட் பாடலை ரி-க்ரியேஷன் செய்து ஒரு வீடியோவாக வெளியிட்டுள்ளார்கள். இரண்டு நாட்களிலேயே இந்த வீடியோவை 30 லட்சத்திற்கும் மேற்பட்டவர்கள் பார்த்திருக்கிறார்கள்.

கமல்ஹாசன், ஸ்ரீதேவி நடிக்க பாலுமகேந்திரா இயக்கிய 'சத்மா' படத்தில் , இளையராஜா இசையமைப்பில் சுரேஷ் வட்கர் பாடிய 'ஏ ஜிந்தகி...' பாடலைத்தான் ரி-க்ரியேஷன் செய்து 'டியர் ஜிந்தகி' படத்தின் வீடியோவாக வெளியிட்டுள்ளார்கள். தமிழில் ரஜினிகாந்த், மாதவி நடிக்க இளையராஜா இசையமைத்து வெளிவந்த 'என் வாழ்விலே வரும் அன்பே வா...' பாடலைத்தான் 'சத்மா' படத்தின் 'ஏ ஜிந்தகி'யாக இசையமைத்திருந்தார் இளையராஜா. 1983ம் ஆண்டு ஹிந்தியில் வெளியான அந்தப் பாடல் இன்று வரை ஹிந்தி ரசிகர்களின் மனதில் நீங்காத இடத்தைப் பிடித்த ஒரு பாடல்.

அந்தப் பாடலின் இனிமைக்குள், ஷாரூக்கும், ஆலியாவும் வெளிப்படுத்திக் கொள்ளும் அந்தக் காதல் மொழி இப்போது இளம் ரசிகர்களை எந்த அளவிற்கு கவர்ந்திழுத்துள்ளது என்பதற்கு 30 லட்சம் பேர் இரண்டு நாட்களில் ரசித்ததுதான் ஒரு சாட்சி.

பாடல் வீடியோவைக் காண... https://youtu.be/xQx5H14YTyQ

• 
  ரச்சிதா பிறந்தநாளில் வெளியான ‛பயர்' முன்னோட்ட வீடியோ
• 
  மே 3ல் ரிலீஸாகும் ‛குரங்கு பெடல்'
• 
  அஜித்துக்காக உருவாக்கப்பட்ட டைட்டிலில் அருண் விஜய்
• 
  பவன் கல்யாண் எத்தனை கார்கள் வைத்திருக்கிறார் தெரியுமா ?
• 
  இயக்குனர் சேரனின் மூத்த மகளுக்கு திருமணம்

• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...