டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
இளம் ஹீரோக்களில் தற்போது சற்றே பின் தங்கியிருப்பவர் விமல். 2014 ஆம் ஆண்டு சுமார் அரை டஜன் படங்களில் நடிக்குமளவுக்கு பிசியாக இருந்த விமல், அவர் நடித்த படங்களின் தோல்வி காரணமாக பட வாய்ப்புகளை இழந்தார். கடந்த இரண்டு ஆண்டுகளில் விமல் நடித்தது மொத்தமே மூன்று படங்கள்தான். அவற்றில் இரண்டு படங்கள் இந்த வருடம் வெளிவந்தன. அஞ்சல, மாப்ள சிங்கம் ஆகிய படங்கள்தான் அவை.
தமிழ்ப்படம் என்ற படத்தை இயகக்கிய சி.எஸ்.அமுதன் இயக்கத்தில் 'ரெண்டாவது படம்' என்ற படத்தில் நடித்தார் விமல். அவர் நடித்து முடித்து நீண்ட நாட்களாக வெளியாகாமல் இருக்கிறது ரெண்டாவது படம். இந்நிலையில், பூபதி பாண்டியன் இயக்கத்தில் 'மன்னர் வகையறா' என்ற படத்தில் தற்போது நடித்துக் கொண்டிருக்கிறார் விமல். இந்தப் படத்தை அவரே தயாரிப்பதாக சொல்லப்பட்டது. பின்னர் வேறு ஒரு தயாரிப்பாளர் தயாரிக்க முன்வந்தார்.
இந்தப்படம் தவிர, சுசீந்திரன் தயாரிப்பில், அவரிடம் உதவி இயக்குனராகப் பணியாற்றி சிவா என்பவரது இயக்கத்திலும் ஒரு படத்தில் நடிக்கிறார் விமல். இந்தப்படத்திற்கு பாண்டிராஜ் வசனமெழுதுகிறார். இமான் இசையமைக்க, விஜய் மில்டன் ஒளிப்பதிவு செய்கிறார். இப்படங்கள் தவிர 'ராஜதந்திரம்' படத்தை இயக்கிய அமித் இயக்கத்திலும் புதிய படமொன்றில் நடிக்கவிருக்கிறார் விமல். இந்த படங்கள் எல்லாம் திட்டமிட்டபடி வெளியானால் 2014 ஆம் ஆண்டைப் போல 2017ஆம் ஆண்டு விமலுக்கு நிறைய படங்கள் ரிலீஸாவதற்கு வாய்ப்புள்ளது.