கன்னடத்தில் கால் பதிக்கும் ஐஸ்வர்யா ராஜேஷ் | 17 வருடங்களுக்க பிறகு மீண்டும் சினிமாவுக்கு வருகிறார் விஜய்யின் முதல் நாயகி | ரூ.100 கோடி வசூலித்த பஹத் பாசிலின் 'ஆவேஷம்' | பிளாஷ்பேக்: படங்களுக்கும் இசை அமைத்த சூலமங்கலம் சகோதரிகள் | நடிகர் சங்க கட்டிட நிதிக்கு 50 லட்சம் வழங்கிய சிவகார்த்திகேயன் | விஷாலின் வரவு செலவு கணக்கு: கோர்ட்டில் தாக்கல் | பிளாஷ்பேக்: இசையிலும் சாதனை படைத்த ராஜ்குமார் | ஹாலிவுட் பட ஆடிசனில் கலந்து கொண்ட பஹத் பாசில் | தெலுங்கு இயக்குனர் சங்கத்திற்கு பிரபாஸ் ரூ.35 லட்சம் நன்கொடை | ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி |
பாக்கியராஜ் கண்ணன் இயக்க அனிருத் இசையமைக்க சிவகார்த்திகேயன், கீர்த்தி சுரேஷ் மற்றும் பலர் நடித்த 'ரெமோ' திரைப்படம் தமிழில் கடந்த மாதம் 7ம் தேதி வெளியாகி பெரிய வெற்றியைப் பெற்றது. 'கபாலி, தெறி' படங்களக்குப் பிறகு இந்த ஆண்டின் வசூல் படமாக இந்தப் படம் அமைந்தது என்று சொல்லப்பட்டது. சுமார் 60 கோடி ரூபாய் வரை இப்படம் வசூலித்திருக்கலாம் என கோலிவுட் தகவல்கள் தெரிவிக்கின்றன.
இந்தியத் திரையுலகின் முன்னணி தொழில்நுட்பக் கலைஞர்கள் இந்தப் படத்தில் பணி புரிந்திருப்பதாலும், எந்த மொழிக்கும் பொருத்தமான கதை என்பதாலும் இந்தப் படத்தை தெலுங்கில் டப்பிங் செய்து வெளியிடுகிறார்கள். இந்த வாரம் வெள்ளிக்கிழமை, நவம்பர் 25ம் தேதி இப்படம் ஆந்திரா, தெலுங்கானா ஆகிய மாநிலங்களில் வெளியாகிறது. பிரபல தெலுங்குத் திரைப்படத் தயாரிப்பாளரான தில் ராஜு, தமிழில் படத்தைத் தயாரித்த 24 ஏஎம் ஸ்டுடியோஸ் ஆர்.டி.ராஜாவுடன் இணைந்து இந்தப் படத்தை வெளியிடுகிறார்.
சிவகார்த்திகேயன் நடித்த எந்த ஒரு தமிழ்ப் படமும் இதுவரை தெலுங்கில் டப் செய்யப்பட்டு வெளியானதில்லை. 'ரெமோ' படம்தான் முதல் முறையாக சிவகார்த்திகேயன் நடித்து தெலுங்கில் டப்பிங் செய்யப்பட்டு வெளியாகும் படம். இப்படத்தின் முதல் பார்வை வெளியீடு, இசை வெளியீடு ஆகியவற்றை ஏற்கெனவே ஹைதராபாத்தில் நடத்தி படத்தை தெலுங்கு ரசிகர்களிடம் கொண்டு போய்ச் சேர்த்திருக்கிறார்கள்.
பவன் கல்யாண் அடுத்து நடிக்கப் போகும் படத்திற்கு 'ரெமோ' படத்திற்கு இசையமைத்த அனிருத் இசையமைக்கப் போவதும், அந்தப் படத்தின் நாயகியாக 'ரெமோ' நாயகி கீர்த்தி சுரேஷ் நடிக்கப் போவதும் 'ரெமோ' படத்திற்கு மேலும் ஒரு மைல்கல்லாக அமைந்திருக்கிறது.
சுமார் 500க்கும் மேற்பட்ட தியேட்டர்களில் இப்படத்தை வெளியிட உள்ளதாக டோலிவுட் வட்டாரங்கள் தெரிவிக்கின்றன.