'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
அஜித்தின் மச்சினன் ரிச்சர்ட் ஹீரோவாக நடித்து வரும் படம் அந்தமான். மனோசித்ரா ஹீரோயின். சாம்ஸ், வையாபுரி, தலைவாசல் விஜய், நிழல்கள்ரவி, மனோபாலா உள்பட பலர் நடித்துள்ளனர். எஸ்.பி.எல்.செல்வதாஸ் இசை அமைத்துள்ளார், ஆர்.எஸ்.செல்வா ஒளிப்பதிவு செய்துள்ளார். சுதா மூவீஸ் சார்பில் கண்ணதாசன் தயாரித்துள்ளார். பெரும்பகுதி படப்பிடிப்பு அந்தமானில் நடந்துள்ளது. படம் விரைவில் வெளிவர இருப்பதைத் தொடர்ந்து இயக்குனர் ஆதவன் படம் பற்றி கூறியதாவது:
ஊழல் மற்றும் கருப்பு பணத்தை ஒழிப்பதாக கூறி, பிரதமர் மோடி அறிவித்துள்ள 1000, 500 ரூபாய் நோட்டுகள் தடை குறித்த முடிவு, ஏற்கனவே சில படங்களில் சொல்லப்பட்ட யோசனை, என்பதால் அப்படக் குழுவினர் பெருமைக் கொண்டுள்ளனர். அந்த வகையில், விவசாய நிலங்களை, வீட்டு மனைகளாக்குவதற்கு உயர் நீதிமன்றம் தடை விதித்து உத்தரவிட்டதற்கு, நாங்கள் பெருமை கொள்கிறோம். காரணம், 'அந்தமான்' படத்தின் கருவே ‛விளை'நிலங்களை ‛விலை'நிலங்களாக்குவதற்கு எதிர்ப்பு தெரிவித்து ஹீரோ போராடுவது தான்.
தற்போது விவசாய நிலங்களை, வீட்டு மனைகளாக பதிவு செய்யவோ, பட்டாவோ வழங்க கூடாது, என்று உயர் நீதிமன்றம் பதிவுத்துறைக்கு உத்தரவிட்டுள்ளது. இதன் மூலம் விவசாய நிலங்கள் காப்பாற்றப்பட்டுள்ளது. இதையே கருவாக கொண்டு எங்கள் படம் உருவாகியுள்ளதால் 'அந்தமான்' படக்குழுவினர் பெருமைக் கொள்கிறோம். விளைநிலங்கள் எல்லாம் விலை நிலங்களாகிக் கொண்டு இருப்பதை எதிர்த்து நிற்கும் ஒரு கல்லூரி மாணவன் போராளியாக மாறி, மண்ணாசைக் கொண்ட வில்லனை எதிர்த்து போராடுகிறான். அதில் அவன் வெற்றி பெற்றானா இல்லையா, என்பது தான் இப்படத்தின் கதை.
இப்படத்தின் பெரும்பகுதி அந்தமானில் படமாக்கப்பட்டுள்ளது. மழைக் காலங்களையும் பொருட்படுத்தாமல் பெரும் பொருட்ச்செலவோடு இப்படம் உருவாக்கப்பட்டுள்ளது. மக்களுக்கு விழிப்புணர்வு ஏற்படுத்தவும், மக்களை மகிழ்விக்கவும் விரைவில் வெளிவருகிறது என்கிறார் இயக்குனர் ஆதவன்.