Dinamalar

கபாலி' இரண்டாம் பாகத்தில் யார் ? யார் ?

பா.ரஞ்சித் இயக்கத்தில் ரஜினிகாந்த், ராதிகா ஆப்தே, தன்ஷிகா மற்றும் பலர் நடித்து வெளிவந்த 'கபாலி' திரைப்படம் இந்த ஆண்டின் மிகப் பெரிய வெற்றிப் படங்களில் ஒன்றாக அமைந்தது. சமூக வலைத்தளங்கள், யு டியூப், கூகுள் தேடல் என 'கபாலி' படம் பல விதங்களிலும் சாதனை புரிந்தது. தமிழ்த் திரையுலகத்திலேயே அதிக வசூலைப் பெற்ற படம் என்ற பெருமையையும் பெற்றது.

'அட்டகத்தி, மெட்ராஸ்' என்ற இரண்டு படங்களை மட்டுமே இயக்கிய பா.ரஞ்சித் இயக்கும் படத்தில் ரஜினிகாந்த்தா என 'கபாலி' படம் ஆரம்பிப்பதற்கு முன்பு திரையுலகத்தில் உள்ள பலரும் ஆச்சரியப்பட்டனர். இருந்தாலும் திட்டமிட்டபடி படத்தின் தயாரிப்பாளர் தாணுவே வியக்கும் அளவிற்கு படத்தை முடித்துக் கொடுத்தார் இயக்குனர் பா.ரஞ்சித். ரஜினிகாந்த் மனதிலும் தனி இடத்தைப் பிடித்தார். 'கபாலி' படமும் 100 நாட்களைக் கடந்து வெற்றிகரமாக ஓடியது.

மீண்டும் ரஞ்சித் இயக்கத்தில் ரஜினிகாந்த் நடிக்க உள்ள படத்தை தனுஷின் சொந்த நிறுவனமான உண்டர்பார் பிலிம்ஸ் தயாரிக்கப் போவதாக ஆகஸ்ட் மாதமே அதிகாரப்பூர்வ அறிவிப்பு வெளியானது. இதனிடையே 'கபாலி 2' என்ற தலைப்பை தயாரிப்பாளர் தாணு புதிதாகப் பதிவு செய்துள்ளார். இது ரஜினி ரசிகர்களிடையே ஒரு எதிர்பார்ப்பை ஏற்படுத்தியுள்ளது.

'கபாலி 2' படம் வருமா, அது பா.ரஞ்சித் இயக்க உள்ள அடுத்த படமா, அல்லது அந்தத் தலைப்பில் வேறு யாராவது படத்தை இயக்கப் போகிறார்களா என்றும் பேச ஆரம்பித்துவிட்டார்கள். தனுஷ் அடுத்து நடிக்கப் போகும் 'வேலையில்லா பட்டதாரி 2' படத்தையும் தாணுதான் தயாரிக்க உள்ளார். இந்தப் படத்தை ரஜினியின் இளைய மகளான சௌந்தர்யா ரஜினிகாந்த் இயக்க உள்ளார். இந்தப் படத்தை தனுஷின் உண்டர்பார் பிலிம்ஸ் நிறுவனமும் சேர்ந்து தயாரிக்கிறது.

ஒரு வேளை 'கபாலி 2' படத்தை தயாரிப்பாளர் தாணுவும், தனுஷும் சேர்ந்து தயாரிக்கவும் வாய்ப்புள்ளதாக கோலிவுட் வட்டாரங்களில் பேச்சு எழுந்துள்ளது. தயாரிப்பாளர் தாணுவைப் பொறுத்தவரையில் அவர் ரஜினிகாந்த் என்ன சொல்கிறாரோ அதை அப்படியே செய்து கொடுப்பார். 'கபாலி' படத்தின் இரண்டாம் பாகம் என்பதும் ரஜினிகாந்தின் அனுமதியோடுதான் தலைப்புப் பதிவு செய்யப்பட்டிருக்கும் என்கிறார்கள். 'கபாலி' படத்தின் கிளைமாக்சிலேயே என்ன நடந்தது என்று தெரியாத அளவிற்கு வெறும் இருட்டில் துப்பாக்கிச் சத்தத்துடன் படத்தை முடித்திருப்பார்கள். அப்போதே படத்தின் இரண்டாம் பாகம் வரும் என்பதைச் சொல்லாமல் சொல்லி முடித்திருக்கிறார்கள்.

எனவே, விரைவில் 'கபாலி 2' படம் பற்றிய அறிவிப்பு வெளியாகும், அதில் முதல் பாகத்தில் இருப்பவர்களும் இருப்பார்களா என்பதும் தெரிய வரும்.

• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா

• 
  'ஆதிசக்தி' : புதிய பயணத்தை துவங்கிய சம்யுக்தா
• 
  ரீ-ரிலீஸ் ஆகும் ‛மங்காத்தா'
• 
  மகாபாரத கதையை 2 பாகங்களாக இயக்கும் லிங்குசாமி
• 
  இன்ஸ்டா கணக்கு நீக்கம் : யுவன் விளக்கம்
• 
  விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் ...