மகள் திருமணத்தில் பிசியான ஷங்கர் | மீண்டும் வெளியாகிறது 'அஞ்சான்' | விடுதலைபுலி இயக்கத்தின் அடுத்தகட்ட தலைவர்கள் பற்றிய படம் | பிளாஷ்பேக்: நம்பியாருக்கு பொருத்தமான ஜோடியாக வலம் வந்த டி.கே.சரஸ்வதி | வைப் குமாரில் விஷ்ணு விஷாலுக்கு ஜோடியாக அதிதி ஷங்கர் | அமெரிக்காவில் பைக் விபத்தில் காயம் அடைந்த அனுஷ்கா பட ஹீரோ | சித்தார்த்-அதிதி ராவ்-க்கு நயன்தாரா வாழ்த்து | துபாய் மியூசியத்தில் தனது மெழுகுசிலையுடன் போஸ் கொடுத்த அல்லு அர்ஜுன் | சீரியல் நடிகை அக்ஷிதாவிற்கு நடந்து முடிந்த நிச்சயதார்த்தம்! | என்ன கமெண்ட் இதெல்லாம்? கடுப்பான ரோபோ சங்கர் மருமகன் |
இந்த ஆண்டு கமல் நடித்த எந்த படமும் வெளிவரவில்லை. மீன் குழம்பும் மண் பானையும் படத்தில் சிறப்பு தோற்றத்தில் நடித்திருக்கிறார். கடந்த சில ஆண்டுகளாகவே அவர் ஆண்டுக்கு ஒன்றிரண்டு படங்களில் மட்டுமே நடித்து வருகிறார். கமல் மட்டுமல்ல எல்லா முன்னணி நடிகர்களாலும் ஒன்றிரண்டு படங்களில் மட்டும்தான் இப்போது நடிக்க முடிகிறது. காரணம் ஒரு படத்துக்கு குறைந்தது 6 மாதவமாவது எடுத்துக் கொள்கிறார்கள். ஆனால் கமல்ஹாசன் 1976, 1977, 1978 ஆகிய மூன்று ஆண்டுகளும் தொடர்ச்சியாக ஆண்டுக்கு 15 படங்களுக்கு மேல் நடித்து சாதனை படைத்துள்ளார்.
1976ம் ஆண்டு மன்மதலீலை, சத்யம், ஒரு ஊதாப்பூ கண்சிமிட்டுகிறது, உணர்ச்சிகள், குமார விஜயம், இதய மலர், மூன்று முடிச்சு, மோகம் முப்பது வருஷம், லலிதா என 9 தமிழ் படங்களிலும், அபூப்பன், அக்னி புஷ்பம், சமாசியே, ஸ்விம்மிங் பூல், அருது, குட்டுவும் சிக்ஷியும், பொன்னி, நீ எண்ட லஹரி என 8 மலையாளப் படங்களிலும், அந்துலேனி கதா (சிறப்பு தோற்றம்) என்ற தெலுங்கு படத்திலும் நடித்துள்ளார்.
1977ம் ஆண்டு உயர்ந்தவர்கள், அவர்கள், உன்னை சுற்றும் உலகம், 16 வயதினிலே, ஆடு புலி ஆட்டம், நாம் பிறந்த மண் என 6 தமிழ் படங்களிலும், சிவ தாண்டவம், ஆசீர்வாதம், மதுரஸ்வப்பனம், ஸ்ரீதேவி, அஷ்தமாங்கல்யம், நிறகுடம், ஓர்மகள் மறக்குமோ, ஆனந்தமும் பரமானந்தமும், சத்யவான் சாவித்ரி, ஆத்ய பாடம் என 10 மலையாளப் படங்களிலும், கோகிலா என்ற கன்னட படத்திலும், கபிதா என்ற பெங்காலி படத்திலும் நடித்துள்ளார்.
1978ம் ஆண்டு நிழல் நிஜமாகிறது, சக்க போடு போடுராஜா, இளமை ஊஞ்சலாடுகிறது, சட்டம் என் கையில், அவள் அப்படித்தான், சிகப்பு ரோஜாக்கள், மனிதரில் இத்தனை நிறங்களா என 7 தமிழ் படங்களிலும், மதனோட்சவம், காத்திருந்த நிமிஷம், அவள் விஸ்வத்தராயிருந்து (சிறப்பு தோற்றம்), அனு மோதனம், படகுதிர, வயநாடன் தம்பன், என 6 மலையாள படங்களிலும் நடித்திருந்தார். தப்பு தாளங்கள் தமிழ் படத்திலும் யாத்ரா மலையாள படத்திலும் சிறப்பு தோற்றத்தில் நடித்திருந்தார். வயசு பில்ச்சண்டி, மரோசரித்ரா என்ற 2 தெலுங்கு படங்களில் நடித்திருந்தார்.