Dinamalar

12 கேமராவில் படமான கத்தி சண்டை சேசிங் காட்சி

விஷால், தமன்னா நடித்து வரும் படம் கத்திசண்டை. சுராஜ் இயக்கும் இந்தப் படத்தில் வடிவேலு, சூரி காமெடி ஜோடி. இவர்கள் தவிர ஜெகபதி பாபு, தருண் அரோரா, சரண்தீப், ஜெயபிரகாஷ், நிரோஷா, ஆர்த்தி உள்ளபட பலர் நடிக்கிறார்கள். ரிச்சர்ட் எம்.நாதன் ஒளிப்பதிவு செய்கிறார், ஹிப்ஆப் தமிழா ஆதி இசை அமைக்கிறார்.

தற்போது படப்பிடிப்புகள் அனைத்தும் முடிந்து பின்னணி இசை சேர்ப்பு பணிகள் நடந்து வருகிறது. படத்தை பற்றி இயக்குனர் சுராஜ் கூறியதாவது: இந்த படத்தை ஆக்ஷன், காமெடி , செண்டிமெண்ட் கலந்து உருவாக்கி உள்ளோம்.. 50 சதவிகிதம் காமெடி, 50 சதவிகிதம் ஆக்ஷன். இதுவரை ஆக்ஷன் கதைகளில் நடித்துவந்த விஷால் இந்த படத்தில் காமெடியிலும், ஆக்ஷனிலும், செண்டிமெண்ட் காட்சிகளிலும் கலக்கி இருக்கிறார். வடிவேலுவும் சூரியும் காமெடியில் பின்னி இருகிறார்கள். தலைநகரம், மருதமலை படங்களுக்கு பிறகு வடிவேலுவும் நானும் இந்த படத்தில் இணைந்து இருக்கிறோம்.

இசையமைப்பாளர் ஹிப் ஹாப் தமிழா இந்த படத்தின் ஐந்து பாடல்களையும் சிறப்பாக அமைத்துள்ளார். படிக்காதவன் படத்திற்கு பிறகு தமன்னாவும் நானும் இந்த படத்தில் இணைந்து பணியாற்றி உள்ளோம் . படப்பிடிப்பு சென்னை, அருப்புக்கோட்டை , ஹைதராபாத், ஜார்ஜியா போன்ற இடங்களில் நடைபெற்றது. அனைத்து வேலைகளும் முடிவடைந்து விட்டது.

படப்பிடிப்பில் நாங்கள் அதிகம் சிரமப்பட்டது. ஒரு சேசிங் காட்சியை படமாக்கியதுதான். இதுவரை எந்த படத்திலும் இல்லாத அளவிற்கு இந்த சேசிங் காட்சி இருக்கும். கிழக்கு கடற்கரை சாலையில் சிறப்பு அனுமதி பெற்ற 12 கேமராக்களை கொண்டு இதனை படம்பிடித்தோம். வில்லன்கள் தருண் அரோரா, ஜெகபதிபாவு ஆகியோரை விஷால் துரத்தி செல்லும் காட்சி அது. பயிற்சி பெற்ற கார், மற்றும் பைக் ரேஸிங் வீரர்கள் 50 பேர் கலந்து கொண்டு நடித்தார்கள். படத்தில் 4 நிமிடங்கள் இடம்பெறும் இந்தக் காட்சியை 7 நாட்கள் படம்பிடித்தோம். படத்தில் இந்த காட்சி பேசப்படுவதாக இருக்கும். என்றார் இயக்குனர் சுராஜ்.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  அரசியல் கட்சித் தலைவராக இருந்து விஜய் செய்தது சரியா ?
• 
  மோகன்லாலுடன் 56வது முறையாக ஜோடி சேரும் ஷோபனா
• 
  'பிரேமலு 2' அறிவிப்பு : 2025ல் வெளியாகும்…
• 
  'ரோமியோ' படத்தை 'அன்பே சிவம்' படத்துடன் ஒப்பிட்ட விஜய் ஆண்டனி
• 
  ஓட்டு கூட போடாத திரைப்பிரபலங்கள்...!