Dinamalar

பேய் படம் பார்க்க ரொம்ப பயப்படுவேன்! -அனிருத் பேச்சு

ஆல் இன் பிக்சர்ஸ் நிறுவனம் தயாரித்துள்ள படம் ரம். ரிஷி, சஞ்சிதா ஷெட்டி, மியா ஜார்ஜ், விவேக், நரேன், அம்ஜத், அர்ஜூன் உள்பட பலர் நடித்துள்ள இந்த படத்தை சாய் பரத் இயக்கியுள்ளார். விஜயராகவேந்திரா தயாரித்துள்ள இந்த படத்திற்கு அனிருத் இசையமைத்துள்ளார். இப்படத்தின் இசை வெளியீட்டு விழா நேற்று சென்னையில் நடைபெற்றது.

அப்போது இசையமைப்பாளர் அனிருத் பேசுகையில்,

ரம் எனது 13-வது படம். ஹாரர் படம். என் லைபில் நான் பேய் படங்களே பார்த்ததில்லை. காரணம். பேய் படங்கள் என்றாலே நான் ரொம்ப பயப்படுவேன்.கடைசியாக, சின்ன வயதில் மைடியர் குட்டிச்சத்தான் பார்த்தேன். அதுக்குஅப்புறம் எந்த ஹாரர் படமும் பார்த்ததில்லை.

மேலும், வேலையில்லா பட்டதாரிக்கு பிறகு ரிஷி இந்த படம் பற்றி என்னிடம் பேசினார். முதலில் ரம் என்று சொன்னதும் நார்மலா பேசிய நான், ஹாரர் படம் என்றதும் பயந்து விட்டேன். என்னுடைய ஒவ்வொரு படத்திலும் ஏதாவது புதுசாக செய்ய வேண்டும் என்று நினைப்பேன். அப்படித்தான் இந்த படத்திற்கும் ஒரு புது ஆல்பத்தை கொடுத்திருக்கிறேன். இந்த படத்தின் டீம் எனர்ஜிடிக்காக இருந்ததால் நானும் அதிக எனர்ஜியுடன் ஒர்க் பண்ணினேன்.

இந்த இடத்தில் பிரஸ்க்கு நான் நன்றி சொல்லியாக வேண்டும். படத்துக்கு படம் எனது இசையைப்பற்றி நன்றாக எழுதி, என்னை உசரத்தில் தூக்கி வைத்து விட்டனர். என்னால் யோசித்தே பார்க்க முடியவில்லை. ஒய்திஸ்கொலவெறி படம் ரிலீசானபோது விவேக் என்னை முதல்நபராக போன் செய்து பாராட்டினார். அவர் இந்த படத்திலும் நடித்திருப்பது எனக்கு சந்தோசமாக உள்ளது. அதோடு, பேய் படம் என்றாலே பார்க்க பயப்படும் நான், இந்த படத்தின் காட்சிகளை பார்க்கும்போது போர்வை, தலையணையால் போர்த்திக்கொண்டபடி பார்த்தேன். அப்படியொரு பயம். ஆனாலும் பின்னணி இசையில் மிரட்டியிருக்கிறேன்.

ரெமோவில் எனக்கு பாடல் எழுதிய விவேக் இந்த படத்திலும் எழுதியிருக்கிறார். பாடலாசிரியர்கள் எனக்கு செட்டாவது ரொம்ப கஷ்டம். ஆனால் விவேக் நன்றாக செட்டாகி விட்டார். கார்க்கி எழுதிய கோலா பாடல் இணையதளத்தில் வெளியாகி ஹிட்டாகி விட்டது. எனக்கு மீடியா சப்போட் செய்ததை விட எக்ஸ்ட்ராவாக இந்த படத்தின் நாயகனான தம்பி ரிஷிக்கு சப்போட் கொடுக்குமாறு கேட்டுக் கொள்கிறேன் என்றார்.

• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா

• 
  இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் ...
• 
  'ஆதிசக்தி' : புதிய பயணத்தை துவங்கிய சம்யுக்தா
• 
  ரீ-ரிலீஸ் ஆகும் ‛மங்காத்தா'
• 
  மகாபாரத கதையை 2 பாகங்களாக இயக்கும் லிங்குசாமி
• 
  இன்ஸ்டா கணக்கு நீக்கம் : யுவன் விளக்கம்