Dinamalar

நேத்ரா படத்துக்காக பாடிலாங்குவேஜை மாற்றினேன்! -சுபிக்ஷா பேட்டி

பாரதிராஜாவின் அன்னக்கொடி படத்தில் அறிமுகமானவர் சுபிக்ஷா. அதன்பிறகு நினைத்தது யாரோ என்ற படத்தில் நடித்த அவர் தற்போது கடுகு, ரா ரா ராஜசேகர், நேத்ரா, பொதுநலன் கருதி போன்ற படங்களில் நடித்து வருகிறார். இதில், நேத்ரா படத்தில் டைட்டீல் ரோலில் நடிக்கும் சுபிக்ஷா, அந்த கேரக்டருக்காக தனது பாடிலாங்குவேஜையே மாற்றி ஹோம் ஒர்க் செய்து நடித்து வருவதாக சொல்கிறார்.

அதுகுறித்து அவர் அளித்த பேட்டியில், விஜய் மில்டன் இயக்கத்தில் நடித் துள்ள கடுகு படத்தில் பரத்துக்கு ஜோடியாக நடித்துள்ளேன். இந்த வருடத்தில் திரைக்கு வரும் இந்த படத்தில் எனக்கு புதுமையான கதாபாத்திரம். சென்னை பெண்ணாக ஹோம்லி மற்றும் மாடர்ன் கெட்டப்பில் நடித்துள்ளேன். எனக்கும், பரத்துக்கும் மான்டேஜ் சாங் உள்ளது.

அதையடுத்து, பாலாஜி சக்திவேல் இயக்கத்தில் நடித்துள்ள ரா ரா ராஜசேகர் என்ற படத்தில் புதுமுக நாயகன் மதிக்கு ஜோடியாக நடித்துள்ளேன். இன்னும் ஒரு வாரம் படப்பிடிப்பு பேலன்ஸ் உள்ளது. திருப்பதி பிலிம்ஸ் இந்த படத்தை தயாரித்துள்ளது. அடுத்து, பொதுநலன் கருதி என்ற படத்தில் தங்கமகனில் எமிஜாக்சனுக்கு பேராக நடித்த அஜீத்துடன் நடித்துள்ளேன்.

இதன்பிறகு தற்போது நான் நடித்து வரும் இன்னொரு முக்கியமான படம் நேத்ரா. ஏ.வெங்கடேஷ் இயக்கி வரும் இந்த படத்தில் நான் டைட்டீல் ரோலில் நடிக்கிறேன். ரொம்ப வெயிட்டான வேடம். தமன், வினய் நாயகர்களாக நடிக்கும் இந்த படம் க்ரைம் திரில்லர் கதையில் உருவாகிறது. இதில் திருமணத்திற்கு முன்பு, பின்பு என இரண்டுவிதமான கெட்டப்பில் நடிக்கிறேன். அதனால் முதலில் ஸ்லிம் பெண்ணாகவும், திருமணத்திற்கு பிறகு வெயிட் போட்ட குடும்ப பெண்ணாகவும் நடிக்கிறேன். இதற்காக 4 கிலோ வரை வெயிட் போட்டு எனது பாடிலாங்குவேஜை மாற்றினேன். முக்கியமாக, நிறைய ஹோம் ஒர்க் செய்து நடித்து வருகிறேன்.

இந்த படத்தின் கதை கனடாவில் நடப்பது போல் உள்ளது. அதனால் இதுவரை சென்னையில் நடந்த படிப்பிடிப்பில் கலந்து கொண்டேன். அடுத்து விசா வந்த தும் அனைவரும் கனடா செல்கிறோம். அங்குதான் முக்கியமான காட்சிகள் படமாகிறது. அந்த வகையில், இந்த நேத்ரா படம் எனது கேரியரில் முக்கியமான படமாக இருக்கும் என்கிறார் சுபிக்ஷா.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  அரசியல் கட்சித் தலைவராக இருந்து விஜய் செய்தது சரியா ?
• 
  மோகன்லாலுடன் 56வது முறையாக ஜோடி சேரும் ஷோபனா
• 
  'பிரேமலு 2' அறிவிப்பு : 2025ல் வெளியாகும்…
• 
  'ரோமியோ' படத்தை 'அன்பே சிவம்' படத்துடன் ஒப்பிட்ட விஜய் ஆண்டனி
• 
  ஓட்டு கூட போடாத திரைப்பிரபலங்கள்...!