'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
விஜய் நடிக்கும் பைரவா படம் இறுதி கட்டத்தை நெருங்கி விட்டது. பைரவா பற்றிய முதல் முன்னோட்டம் இது...
படத்தை தயாரிப்பது பழம்பெரும் தயாரிப்பு நிறுவனமான விஜயா புரொடக்ஷன். தயாரிப்பாளர்கள் வெங்கட்ராம ரெட்டி, பாரதியம்மா. சந்தோஷ் நாராயணன் இசை அமைக்கிறார். சுகுமார் ஒளிப்பதிவு செய்கிறார், அனல் அரசு சண்டை காட்சிகளை அமைக்கிறார், தினேஷ் மாஸ்டர் நடன காட்சிகளை அமைக்கிறார். எடிட்டர் பிரவீன்.
விஜய் முதன் முதலாக இரட்டை வேடங்களில் நடித்த அழகிய தமிழ் மகன் படத்தை இயக்கிய பரதன், 8 வருடங்களுக்கு பிறகு மீண்டும் விஜய்யை இயக்குகிறார்.
படத்தின் பாடல்கள் அனைத்தையும் வைரமுத்து எழுதியிருக்கிறார். மொத்தம் 6 பாடல்கள். "பட்டய கிளப்பு பட்டய கிளப்பு பட்டிதொட்டியெல்லாம் பட்டய கிளப்பு..." என்கிற ஓப்பனிங் சாங் நிஜமாகவே பட்டைய கிளப்பும் என்கிறார்கள்.
ஹீரோயின் கீர்த்தி சுரேஷ். வில்லன் டேனியல் பாலாஜி. காக்க காக்க படத்திற்கு பிறகு சரியான வாய்ப்புகள் அமையாத டேனியல் பாலாஜிக்கு ஒரு ரீ-என்ட்ரி. கீர்த்தி சுரேஷ் மிக குறுகிய காலத்தில் டாப் ஸ்டாருக்கு ஜோடியாகியிருக்கிறார்.
சமூகத்தில் இன்றைக்கு நிலவும் ஒரு முக்கிய பிரச்னை பற்றி பேசுகிற படம். சமூக பொறுப்புள்ள இளைஞனாக விஜய் நடித்திருக்கிறார். எல்லா கமர்ஷியல் அம்சங்களையும் கலந்து, அந்த சமூக பிரச்சினையை சொல்கிறது படம்.
50 சதவிகித கதை திருநெல்வேலியிலும், 50 சதவிகித கதை சென்னையிலும் நடக்கிறது. கோயம்பேடு பஸ் ஸ்டாண்டையும், திருநெல்வேலி கோவிலையும் பிரசாத் ஸ்டூடியோவில் செட் போட்டு படமாக்கி உள்ளனர்.
விஜய் முதன் முதலாக விக் வைத்து நடிக்கிறார்.
படத்தின் பட்ஜெட் 100 கோடி. ஜனவரியில் பொங்கல் ரீலீசாக இருக்கலாம்.