முதல்வர் குணமடைய, யாகம் நடத்துகிறது திரைப்பட வர்த்தக சபை

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

19 அக், 2016 - 10:59 IST

எழுத்தின் அளவு:

Film-Chamber-to-conduct-Yaagam-for-CM-Jayalalitha

தமிழக முதல்வர் ஜெயலலிதா உடல் நலக்குறைவால் சென்னை அப்பல்லோ மருத்துவமனையில் சிகிச்சை பெற்று வருகிறார். அவர் நலம்பெற வேண்டி அவரது கட்சியினர் பல்வேறு ஆன்மீக நிகழ்வுகளை நடத்துகிறார்கள். மற்ற கட்சியின் தலைவர்கள் மருத்துவமனைக்குச் சென்று நலம் விசாரித்து வருகிறார்கள். திரைப்படத்துறையின் சார்பில் நடிகர் சங்கத் தலைவர் நாசர், தயாரிப்பாளர் சங்கத் தலைவர் கலைப்புலி எஸ்.தாணு மற்றும் சூப்பர் ஸ்டார் ரஜினிகாந்த் ஆகியோர் நலம் விசாரித்து வந்தனர்.

இந்த நிலையில் முதல்வர் பூரண நலம்பெற தென்னிந்திய திரைப்பட வர்த்தகசபை பிரமாண்ட யாகம் ஒன்றை நடத்துகிறது. வருகிற 21ந் தேதி அண்ணாசாலை ஜெமினி மேம்பாலம் அருகில் உள்ள வர்த்தக சபை கட்டிடத்தின் மொட்டை மாடியில் இந்த யாகம் நடக்கிறது. காலை 6 மணி முதல் மாலை 6 மணி வரை நடக்கும் இந்த யாகம் மிருத்யுஞ்ஜய மூல மந்திர ஜெபம், மற்றும் மஹா மிருத்யுஞ்சய யாகம் என்று அழைக்கப்படுகிறது. 30 சிவாச்சாரியார்கள் ஒரு லட்சத்து 25 ஆயிரம் மிருத்யுஞ்ஜய மந்திரத்தை ஓதுகிறார்கள்.

இதில் திரையுலகினர் திரளாக கலந்து கொள்ள வேண்டும் என்றும் யாகத்துக்கு வருகிறவர்கள் செல்போன் கொண்டு வருவதையும், அநாகரீக உடைகள் அணிந்து வருவதையும் தவிர்க்க வேண்டும் என்றும் திரைப்பட வர்த்தக சபை கேட்டுக்கொண்டுள்ளது.

Filmchamber

CMJayalaitha

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய