Dinamalar

அஜித், விஜய் படங்களில் நடிக்க வேண்டும்!- காளி வெங்கட்

முண்டாசுப்பட்டி, இறுதிச்சுற்று படங்களில் நடித்த பிறகு கவனிக்கப்படும் நடி கரானார் காளி வெங்கட். அதோடு வெறும் காமெடியனாக மட்டுமே இல்லாமல், குணசித்ரம் கலந்த கதாபாத்திரங்களிலும் நடித்து வருகிறார். அந்த வகையில், தற்போது அரை டஜன் படங்களுக்கு மேல் அவர் கைவசம் உள்ளது.

இந்த படங்கள் பற்றி காளி வெங்கட் கூறுகையில்,

இறுதிச்சுற்று படத்திற்கு பிறகு என்னைத்தேடி நல்ல வெயிட்டான வேடங்களாக வருகிறது. அதனால் மகிழ்ச்சியாக நடித்து வருகிறேன். அதில் கொடி படத்தில் தனுஷின் நண்பனாக நடித்துள்ளேன். காமெடி வேடம்தான் என்றாலும், ஹீரோ பேசும் வசனங்களுக்கு கமெண்ட் கொடுப்பது போன்ற வழக்கமான காமெடியனாக இல்லாமல் மாறுபட்ட நண்பனாக நடிக்கிறேன். முக்கியமாக தனுஷ் எனது சின்ன வயசு நண்பன் என்பதால் அவருக்காக எதையும் செய்யும் வேடத்தில் நடிக்கிறேன். அதனால் எப்படி முண்டாசுப்பட்டி, இறுதிச்சுற்று படங்கள் எனது கேரியரில் திருப்புமுனையாக அமைந்ததோ அதேபோன்று கொடி படமும் திருப்புமுனையை ஏற்படுத்தும். மேலும், ராஜா மந்திரி படத்திற்கு பிறகு மீண்டும் கலையரசனுடன் இணைந்து சி.வி.குமார் தயாரிக்கும் படத்தில் நடிக்கிறேன். ஜெய்யுடன் எனக்கு வாய்த்த அடிமைகள் படத்தில் நடிக்கிறேன். தவிர, நாகேஷ் திரையரங்கம், காத்தாடி என பல படங்களில் நடித்துக்கொண்டிருக்கிறேன்.

இப்படி சொல்லும் காளி வெங்கட்டிற்கு அஜித், விஜய் படங்களில் நடிக்க வேண்டும் என்ற ஆசை அதிகமாக உள்ளதாம். விஜய்யின் தெறி படத்தில் நடித்தபோதும், படம் முழுக்க அவருடன் வருவது போன்ற வேடங்களில் நடிக்க வேண்டும் என்று ஆசைப்படுகிறேன். தல அஜித்துடன் இதுவரை நடிக்கவில்லை. அதனால் அவருடன் நடிக்கும் வாய்ப்புக்காக காத்திருக்கிறேன் என்கிறார் காளி வெங்கட்.

• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்
• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்

• 
  ‛கில்லி' ரீ-ரிலீஸ் : த்ரிஷா நெகிழ்ச்சி
• 
  சந்தானத்தின் இங்க நான் தான் கிங்கு படம் மே 10 ல் ரிலீஸ்
• 
  பைக் டாக்சி ஓட்டுனராக நடிக்கும் நக்ஷா சரண்
• 
  எழுத்தாளராக நடிக்கும் வெற்றி
• 
  ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி