'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! | 'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் |
மலையாளத்தில் பிரபல குணசித்தர நடிகர் கிருஷ்ணகுமார், தமிழிலும் ஏராளமான படங்களில் நடித்துள்ளார். இவரது மகள் அஹானா கிருஷ்ணா. சென்னை எம்.ஓ.வி வைஷ்ணவா கல்லூரியில் விஷ்காம் படித்து முடித்தார். தற்போது பிரேமம் படத்தில் உதவி இயக்குனராக பணியாற்றிய அல்தாப் என்ற புதுமுகம் இயக்கும் படத்தில் நிவின் பாலி ஜோடியாக நடிக்க ஒப்பந்தம் செய்யப்பட்டிருக்கிறார்.
இதுப்பற்றி அஹானா கிருஷ்ணா கூறியதாவது: எனது தந்தை மலையாளத்திலும், தமிழிலும் 100 படங்களுக்கு மேல் நடித்துள்ளார். எனக்கு நடிப்பு மீது பெரிய ஆர்வம் இல்லை. ஆனால் டி.வி.மீடியா பக்கம் ஆர்வம் இருந்தது. நிகழ்ச்சி தொகுப்பாளர், செய்தி வாசிப்பாளராக வேண்டும் என்றுதான் ஆசைப்பட்டேன். அதற்காகத்தான் விஷ்காம் படித்தேன். ஆனால் படித்து முடித்த கையோடு நிவின்பாலியுடன் சேர்ந்து நடிக்கும் வாய்ப்பு வந்தது. முதல் வாய்ப்பே பெரிய வாய்ப்பாக இருந்தால் உடனே ஒப்புக் கொண்டேன்.
இப்போது அடுத்த ஆசை வந்துவிட்டது, அது தமிழ் படத்தில் நடிக்க வேண்டும் என்பது. சென்னையில் 3 வருடங்கள் இருந்ததில் நன்றாக தமிழ் பேச கற்றுக் கொண்டேன். விஜய், அஜீத், சூர்யா மிகவும் பிடிக்கும். இப்போது வந்துள்ள விஜய் சேதுபதிக்கு பெரிய ரசிகை நான். அவர்களுடன் நடிக்கும் ஆசை வந்திருக்கிறது. விரைவில் நடிப்பேன் என்று நினைக்கிறேன் என்கிறார் அஹானா.