Dinamalar

இந்திய பெண்கள் எப்போதும் சமையலில் ஆர்வமிக்கவர்கள் - ரம்பா

தினமலர் மற்றும் பூர்விகா மொபைல்ஸ் இணைந்து நடத்திய, குக் அண்ட் கிளிக் சுண்டல் போட்டி, ராயப்பேட்டையில் நடந்தது. நாளிதழில் போட்டி அறிவிப்பு வெளியானதும், 300க்கும் மேற்பட்டோர் கலந்து கொள்ள விண்ணப்பித்தனர். காலை, 7:00 மணி முதலே, 250க்கும் மேற்பட்டோர், போட்டியில் கலந்துகொள்ள ஆர்வமுடன் குவிந்தனர். முதல் போட்டியில், ஐந்து ஆண்கள் உட்பட, 82 பேர் கலந்து கொண்டனர். இவர்கள், சுண்டல்களில் புதுவிதமான, காய்கறி, பன்னீர், கொள்ளு, இனிப்பு, காரா ஜாமூன், அறுசுவை சுண்டல் உள்ளிட்ட, 90 வகை சுண்டலை தயாரித்தனர். இதிலிருந்து சிறந்த, 15 சுண்டல் வகைகளை, செப் தாமு தேர்ந்தெடுத்தார்.

இந்த போட்டியில், பாரதி, ராமச்சந்திரன், நாராயணி, சதாலட்சுமி, முரளி உள்ளிட்டோர், முதல் ஐந்து இடங்களை பெற்றனர். இவர்களுக்கு, தலா 5,000 ரூபாயும், விடியம் கியாஸ் ஸ்டவ் மற்றும் குக்கர் பரிசாக வழங்கப்பட்டது. போட்டியில் கலந்து கொண்ட அனைவருக்கும், ஆறுதல் பரிசு வழங்கப்பட்டது. போட்டியின் இடை இடையே, வினாடி - வினா போட்டியும் நடத்தப்பட்டது. வெற்றி பெற்றவர்களுக்கு பரிசு பொருட்கள் வழங்கப்பட்டன.

இந்த நிகழ்ச்சியில் சிறப்பு விருந்தினராக கலந்து கொண்ட நடிகை ரம்பா கூறும்போது... திருமணம், திருவிழா, பிறப்பு, இறப்பு என, அனைத்து நிகழ்ச்சிகளிலும், உணவே முதல் இடம் பெறுகிறது. என் அப்பா இனிப்பு வியாபாரம் செய்து வந்தார். அதனால், எனக்கும், சமையலுக்கும் நெருங்கிய தொடர்பு உண்டு. நான், பல்வேறு இடங்களில் சுண்டல் சாப்பிட்டுள்ளேன். ஆனால், கோவில் சுண்டல் மாதிரி சுவையாக இருந்ததில்லை. கோவில் என்றாலே, சுண்டல் தான் ஞாபகத்துக்கு வரும். இந்திய பெண்களுக்கு எப்போதும் சமையல் மீது ஆர்வம் அதிகம். டிவி, புத்தகம், இன்டர்நெட் மூலம், பெண்கள் சமையலை கற்றுக் கொண்டே இருக்கின்றனர் என்றார்.

• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...
• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்

• 
  பாண்டிராஜ் இயக்கத்தில் விஜய் சேதுபதி?
• 
  விக்ரம் படத்தில் இணைந்த மற்றொரு மலையாள நடிகர்
• 
  கள்ளழரை அருகில் கண்ட பேரானந்தத்தில் சூரி
• 
  ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா
• 
  10 மில்லியன் பார்வையாளர்களை கடந்த ‛இனிமேல்' ஆல்பம்