Dinamalar

வில்லன் நடிகரை மிரளவைத்த அமெரிக்க ரசிகர்..!

பிரபல மலையாள வில்லன் நடிகர் பாபு ஆண்டனியை தமிழ் ரசிகர்களுக்கு தெரியாமல் இருக்காது.. பத்திருபது வருடங்களுக்கு முன் 'பூவிழி வாசலிலே', 'சூரியன்' என தமிழில் கொடூர வில்லனாக மிரட்டியவர், இந்த தலைமுறை இளம் ரசிகர்களுக்கோ 'விண்ணைத்தாண்டி வருவாயா', 'காக்கா முட்டை' படங்களின் மூலம் சாதுப்பசுவாக அறிமுகமாகி இருக்கிறார். தற்போது தமிழ், மலையாளம் இரண்டிலும் தனது இரண்டாவது இன்னிங்ஸை தொடங்கியிருக்கும் பாபு ஆண்டனி, கடந்த வாரம் அமெரிக்காவில் டெக்சாஸ் மாகாணத்தில் நடைபெற்ற ஓணம் பண்டிகை விழாவில் கலந்துகொண்டார்.

அப்போது அவர் அருகில் அமர்ந்திருந்த அமெரிக்கர் ஒருவரிடம் இந்த விழா முழுவதும் மலையாளத்தில் நடப்பதால் உங்களுக்கு போரடிக்கவில்லையா என கேட்டாராம் பாபு ஆண்டனி. அதற்கு அந்த நபர் சுத்தமான மலையாளத்தில் பதில் சொல்ல அசந்துபோனாராம் பாபு ஆண்டனி. அந்த நபருக்கு மலையாளத்தில் எழுத, படிக்க, பேச என மூன்று விஷயங்களும் அத்துப்படியாம்.. இதையெல்லாம் விட அவர் அடுத்து சொன்னதுதான் பாபு ஆண்டனியை திகைக்க வைத்து விட்டதாம்..

அதாவது பல வருடங்களுக்கு முன் அந்த அமெரிக்கர் கேரளாவில் கோழிக்கோட்டில் மூன்று வருடங்கள் தங்கி இருந்தாராம்.. அப்போது முதன்முறையாக ஏதேச்சையாக பாபு ஆண்டனி நடித்த 'சாந்தா' என்கிற படத்தை பார்த்தாராம். அதில் அவரின் நடிப்பு பிடித்துவிட, அதன்பின் பாபு ஆண்டனி நடித்த படங்களை தேடித்தேடி பார்க்க ஆரம்பித்தும் விட்டாராம். அதுமட்டுமல்ல, பாபு ஆண்டனியின் படங்களை பார்த்துதான் மலையாளத்தை கற்றுக்கொள்ள ஆரம்பித்ததால் அவர்தான் தனக்கு ஆசான் என்றும் சொல்லியிருக்கிறார். நமக்கு இப்படி ஒரு அமெரிக்க ரசிகரா என்கிற வியப்பு மாறாமல் ஊர்வந்து சேர்ந்தாராம் பாபு ஆண்டனி..

• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்
• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்

• 
  மோகன்லாலை சந்தித்தது மிகப்பெரிய கவுரவம் : ரிஷப் ஷெட்டி
• 
  பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் ...
• 
  சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் ...
• 
  ராபின் ஹூட் படத்தின் ரிலீஸ் தேதி அறிவிப்பு
• 
  'பிக் பாஸை' கண்காணிக்க தகவல் ஒலிபரப்பு துறை அமைச்சகத்துக்கு ...