ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
மலையாள பிளாக்பஸ்டர் திரைப்படமான பிரேமம் அதே பெயரில் தெலுங்கில் ரீமேக் செய்யப்பட்டுள்ளது. இயக்குனர் சண்டூ மொன்டேடி இயக்கத்தில் நாகசைதன்யா நாயகனாக நடித்துள்ள பிரேமம் படத்தில் அனுபமா பரமேஸ்வரன், ஷ்ருதிஹாசன், மடோனா செபஸ்டியன் என மூவர் நாயகிகளாக நடித்துள்ளனர். பிரேமம் படத்தின் பாடல்கள் வெளியீட்டு விழா நேற்று(செப்டம்பர் 20) மாலை ஹைதராபாத்தில் நடைபெற்றது. நாகசைதன்யாவின் தாதாவும் மறைந்த மூத்த நடிகருமான நகேஷ்வர ராவ்வின் பிறந்த நாளில் தெலுங்கு பிரேமம் பாடல்கள் வெளியீட்டு விழா நடைபெற்றுள்ளது.
இவ்விழாவில் நாகசைதன்யா, மடோனா செபஸ்டியன், ஷ்ருதிஹாசன், இயக்குனர் சண்டூ மொன்டிடேடி உள்ளிட்ட பிரேமம் படக்குழுவினருடன் நாகார்ஜுனா, அகில், இயக்குனர் மாருதி, இயக்குனர் சுதீர் வர்மா, பிவிபி நிறுவனர், தசரி நாராயண ராவ், நந்தினி ரெட்டி உள்ளிட்ட டோலிவுட் பிரபலங்களும் கலந்து கொண்டனர்.
விழாவில் பேசிய நாகசைதன்யா, “மலையாள பிரேமம் படத்தின் தவறுகளை சரி செய்தோ அல்லது அதன் தரத்தை உயர்த்தும் நோக்கிலோ தெலுங்கில் அப்படத்தை ரீமேக் செய்யவில்லை. படத்தின் கதை பிடித்துப்போனதால் அப்படத்தை தெலுங்கு ரசிகர்களுக்கு ஏற்ப சில மாறுதல்களுடன் கொடுத்துள்ளோம். இப்படத்தில் நடித்த பின்னர் தான் இயக்குனர் சண்டூவின் திறமைகள் தெரியவந்தன. அவருடன் ரீமேக் அல்லதா படத்தில் பணியாற்ற விரும்புகின்றேன்” என்று கூறினார்.
நடிகை ஷ்ருதிஹாசன் கூறுகையில் “இப்படம் ரீமேக் அல்ல. எனது திரை உலக வாழ்க்கையில் பிரேமம் படத்தை முக்கியத்துவம் வாய்ந்த திரைப்படமாக மாற்றியதற்கு இயக்குனர் மற்றும் தயாரிப்பாளருக்கு நன்றி தெரிவித்துக் கொள்கின்றேன். இசையமைப்பாளர்கள் கோபி மற்றும் ராஜேஷ் இப்படத்திற்காக அருமையான பாடல்களைக் கொடுத்துள்ளனர்” என்று தெரிவித்தார். அக்டோபர் 7ல் பிரேமம் திரைக்கு வரும் என அறிவிக்கப்பட்டுள்ளது.